Shahram Gʻiyosov va Harold Kalderon jang vaqti, translyatsiya, statistika va qiziqarli ma'lumotlar

Professional bokschimiz Shahram Gʻiyosov muhim jang arafasida turibdi. Mazkur bahsda u hali magʻlub boʻlmagan bokschi Harold Kalderonga qarshi ringga koʻtariladi. Jangga oid qiziqarli ma'lumotlar va faktlar bilan tanishing:

 

Manzil va vaqt: boks oqshomi Toshkent vaqti bilan 18 iyun (yakshanba) tongida, AQShning Luiziana shtatida joylashgan "Smoothie King Center" arenasida boʻlib oʻtadi.

 

 

Tashkilotchi: Matchroom Boxing promouterlik kompaniyasi va DAZN striming platformasi.

 

Vazn toifasi va status: 12 raund etib belgilangan jang yarim oʻrta vaznda (66,6 kg) boʻlib oʻtadi va ushbu vaznda jahon chempionlik kamari uchun eliminator (saralash) maqomida boʻladi.

 

Statistika: 29 yoshli Shahram Gʻiyosov (Buxoro, Oʻzbekiston) faoliyati davmomida 13 ta jang oʻtkazgan (jami 58 raund) va barchasida gʻalaba qozongan. 9 ta bahsda raqiblarini muddatidan oldin magʻlubiyatga uchratgan (nokaut koʻrsatkichi 69,2 foiz). 35 yoshli Harold Kalderon (Mayami, AQSh) bu borada 27 marotaba ringga koʻtarilgan (jami 115 raund) va barchasida zafar quchgan. Nokautlar soni 18 tani tashkil etadi (66,6 foiz).

 

 

Kard: ushbu kechaning asosiy kardidan 3 ta jang oʻrin olgan.

 

Asosiy jang: Rejis Progreys (28-1, 24KO) - Danielitto Zorilla (17-1, 13KO) - super engil vaznda WBC jahon chempionlik kamari uchun.

 

Shahram Gʻiyosov (13-0, 9KO) - Harold Kalderon (27-0, 18KO) - yarim oʻrta vaznda WBA eliminator jangi.

 

Ramla Ali (8-0, 2KO) - Julisa Aleksandra Guzman (12-2-2, 6KO) - ayollar birinchi yarim engil vaznda IBF Intercontinental kamari uchun.

 

 

Boshlanish vaqti va translyatsiya: oqshomning asosiy kardi 18 iyun tongi 5:00 da boshlanadi. Shahram Gʻiyosov ishtirokidagi bahs 5:30 atrofiga toʻgʻri keladi. Boks kechasini Oʻzbekiston hududida Zoʻr TV kanali orqali tomosha qilishingiz mumkin.

 

Boshqa ma'lumotlar: Gʻiyosov va Kalderon faoliyati davomida ilk bor 12 raundlik jang oʻtkazadi. Shahram Gʻiyosov ushbu bahs uchun Joel Diaz emas, Dmitriy Bivolning murabbiyi Gennadiy Mashyanov qoʻl ostida tayyorgarlik olib bordi.