Bahodir Jalolov Usik va Joshuaga qarshi jangga tayyorligini ma'lum qildi

Oʻzbekistonlik bokschi Bahodir Jalolov nigeriyalik Onoriode Ehveriemega jangda gʻalaba qozonib, professional boksdagi 13-gʻalabasini nishonladi.

Jangdan soʻng Bahodir promouteri Bob Arumga (Top Rank) murojaat qildi.

“Vaqtning, raqibning farqi yoʻq. Usikmi, Joshuami, istalgan raqibga qarshi jang qilishga tayyorman”, — dedi Jalolov.

Eslatib oʻtamiz, Bahodir Jalolov bugun yangi promouteri Bob Arum (Top Rank) boshchiligida ilk jangini oʻtkazdi va nigeriyalik raqibini 1-raunddayoq nokautga uchratdi. U raqiblarining barchasini muddatidan oldin magʻlub etgan.