Osiyo chempionlar ligasi guruh bosqich 2-turidan o‘rin olgan "Navbahor" - "Mumbay Siti" bahsi bo‘lib o‘tdi va unda namanganliklar 3:0 hisobida g‘alaba qozondi.
Birinchi bo‘lim O‘tkir Yusupovning penaltini qaytargan vaziyati bilan yodda qoldi. Uchrashuvning 41-daqiqasida mehmonlarning hujumi paytida to‘p tasodifan Ibrohim Yo‘ldoshevning qo‘liga tegdi. Natijada "lochinlar" darvozasiga 11 metrli jarima zarbasi belgilandi. Penaltini Styuart amalga oshirdi va uning zarbasidan so‘ng, to‘pni O‘tkir Yusupov qaytardi.
Ikkinchi bo‘limni ketma-ket hujumlar bilan boshlagan "Navbahor" 52-daqiqada hisobni ochdi. Jamshid Iskanderov uzoq masofadan super zarba yo‘lladi va musobaqadagi eng chiroylm gollardan biriga mualliflik qildi. Oradan besh daqiqa o‘tib, Oston Urunovning super reydidan so‘ng Jasurbek Yaxshiboyev aniq zarba yo‘llab, farqni ikkitaga oshirib qo‘ydi.
87-daqiqada darvozabon bilan yakkama-yakka vaziyatga chiqqan Doniyor Abdumannopov to‘pni darvozabonning ustidan oshirib, hisobning yirik ko‘rinish olishini ta’minladi - 3:0.
Shu tariqa, Samvel Babayan shogirdlari ishonchli g‘alabani tantana qildi.
Osiyo Chempionlar Ligasi
"D" guruhi. 2-tur
"Navbahor" (O‘zbekiston) – "Mumbay Siti" (Hindiston) 3:0
Gollar: Jamshid Iskanderov (Jasur Yaxshiboyev) 52, Jasur Yaxshiboyev (Oston O‘runov) 59, 2:0, Doniyor Abdumannopov (Temurxo‘ja Abduxoliqov) 87
"Navbahor": 1.O‘tkir Yusupov (s), 5.Milosh Milovich, 6.Ibrohim Yo‘ldoshev, 7.Oston O‘runov (19.Doniyor Abdumannopov,82), 8.Jasurbek Yaxshiboyev (77.Asadbek Sobirjonov, 82), 10.Jamshid Iskanderov, 13.Filip Ivanovich, 14.Jamshid Boltaboyev, 22.Igor Golban, 23.Yovan Jokich, 91.Toma Tabatadze (21.Temurxo‘ja Abduxoliqov,72).
Zaxira: 12.Ignatiy Nesterov, 16.Jahongir Bo‘riyev, 4.Azimjon Ahmedov, 17.Abror Ismoilov, 20.Muzaffarxon Mo‘minov, 27.Shahboz Jo‘rabekov, 31.Luka Chermel, 98.Davronbek Olimjonov.
"Mumbay Siti": 1.Purba Lachenpa, 4.Tiri, 5.Mehtab Singh, 6.Vikram Partap (29.Bipin Singh, 70), 7.Lalliagzuala Chhangte (23.Abdunosir El Xayati,58), 8.Van Nieff, 18.Rostin Griffits (s), 24.Greg Styuart, 30.Jorje Pereyra Dias, 31.Akash Mishra, 45.Lalengmavia (11.Gurkirai Singh, 87).
Zaxira: 22.Bhaskar Roy, 2.Rahul Bheke, 16.Rai Vinit, 17.Sanjeyev Stalin, 20.Jayesh Dilip Rane, 21.Seilenthang Lotjem, 28.Ayush Chhikara, 44.Halen Nongtdu, 60.Franklin Nazareth.
Amalga oshirilmagan penalti: Greg Styuart ("Mumbay Siti") 42.
Ogohlantirish: Ibrohim Yo‘ldoshev ("Navbahor") 62, Jorje Pereyra Dias ("Mumbay Siti").
“Zamin” yangiliklarini “Instagram”da kuzatib boring
