APLning 11-turida "Arsenal" "Nyukasl" maydoniga safar uyushtirib, 0:1 hisobida mag‘lub bo‘ldi. Premer-ligada (ushbu mavsum) mag‘lubiyatga uchramagan jamoalar soni yana bittaga kamaydi, aniqrog‘i bitta qoldi. Bu esa "Tottenxem". "Shporlar" ayni paytda turnir jadvalida 26 ochko bilan ikkinchi o‘rinda turibdi. "Nyukasl, "Arsenal" va "Liverpul"dan ko‘proq ochko to‘plashga muvaffaq bo‘lgan jamoaning bunday natija ko‘rsatishiga mavsum boshida hech kim ishonmagan bo‘lsa ajab emas. Xarri Keyn endi londonliklar safida emas, taniqli bo‘lmagan murabbiy olib kelindi va o‘tgan mavsum so‘nggidagi natijalardan keyin "Tottenxem" ko‘rsatayotgan o‘yin barchani qoyil qoldirmoqda. Ayniqsa klubning hali mag‘lub bo‘lmagani ham yana bir taqsinga loyiqdir.
Hammasi qayerdan boshlandi?
O‘tgan mavsum yakuniga yetishiga kam qolganida Antonio Konte kutilmagan intervyuni berib, jamoa futbolchilarini keskin tanqid qildi. Shundan so‘ng rahbariyat italiyalik mutaxassisni o‘z lavozimidan ozod qilgan va vaqtinchalik Kristian Stellini "shporlar"ga ustozlik qildi. "Nyukasl"dan uchralgan 6:1 hisobidagi mag‘lubiyatdan keyin u ham bo‘shatilgandi. Navbat esa Rayan Meysonga keldi. Shu tariqa, "Tottenxem" turnir jadvalida 8-o‘rin bilan mavsumni yakunladi. Klub 2009 yildan keyin ilk bor yevrokuboklar zonasidan tashqarida qolib ketdi. Bunday natijalardan keyin londonliklarning sovrin yutishiga ishonch ham kamaydi va jamoani muhim futbolchilar tark etishi kutilgandi. Shulardan biri Xarri Keyndir.
Yozgi transferlar oynasi
Har transferlar oynasi ochilganida "Tottenxem"ni Xarri Keyn tark etishi borasida mish-mishlar chiqa boshlaydi. Klubning asosiy hujumichisi bo‘lgan ingliz bundan 2 yil oldin "Manchester Siti"ga o‘tishni juda ham istagan, yakunda esa Daniel Levi uni qo‘yib yubormagani hali ham futbol olamida yomon hotiralar bilan esalanadi. Bu yozda Keynda yana bir imkon paydo bo‘ldi. Kurashda Angliyaning bir qator top klublari va "Bavariya" bor edi. Rahbariyat uni o‘zlariga qarshi o‘ynashini istamasdi va shuning uchun Premer-ligadan kelgan takliflarga rad javobi berilgan. Myunxenliklar esa oxirigacha kurashib, 117 million yevroga Xarrini sotib oldi. Levi ham osonlikcha bu transferlarga rozi bo‘lgani yo‘q. Yakunda Keyn Angliyani tark etdi. Shu bilan birga, "shporlar" o‘z kapitanidan ayrildi.
Endi bu klubning APLda peshqadamlar safida yurishi-yu, kuboklar yutishiga imkon yo‘kdek ko‘ringandi. Londonliklar Keynning transferidan kelgan pullarni oqilona ishlatdi. "Lester"dan 48 million yevrga sotib olingan Jeyms Meddison 11 ta o‘yinda maydonga tushib, 3 ta gol va 5 ta assist amalga oshirishga ulgurdi. Mazkur mavsum APLdagi eng ko‘p sheriklariga golli past bergan futbolchilar orasida 3-o‘rinda turibdi. "Volfsburg"dan 36 million yevroga harid qilingan Van de Ven esa Kristian Romero bilan ajoyib juftlik hosil qildi. Patsekoglu shogirdlari mazkur mavsumda o‘z darvozasidan 9 marta to‘p olib chiqdi. Eng yaxshi natija "Manchester Siti"ga tegishli - 8 ta. Albatta jamoaga asosiy darvozabon ham kerak edi. Buning uchun Gugliyelmo Vikario tanlandi. Uning transferi 20 million yevroga tushgan. Italiyalik posbon 4 ta nollik o‘yin o‘tkazib, eng yaxshilar qatorida turibdi. Shuningdek, yozda Brennan Jonson, Alexo Velis, Monor Salomon kabi futbolchilar "Tottenxem" safiga o‘tdi.
Angelos Postekoglu...
"Tottenxem" bosh murabbiy masalasida juda qiynaldi. Klub Yulian Nagelsmann va Luis Enrike kabi murabbiylar bilan muzokaralar olib bordi, lekin kelishuvga erisha olmadi. Yana bir nechta mutaxassisdan rad javobini olgan Levi oxiri "Seltik" ustozi Angelos Pastekogluga murojaat qildi. Ammo bu murabbiy haqda ozchilik biladi. "Shporlar" ishtirokidagi uchrashuvlarni ko‘rib, jamoaning omadi kelib, g‘alaba qozonmayotganiga guvoh bo‘lasiz. "Manchester Yunayted" va "Liverpul"ni mag‘lub qilish, "Arsenal" bilan durang o‘ynash uchun klub qanchalik omadli bo‘lishi kerak. Oldinda "Tottenxem"ni "Chelsi", "Aston Villa" va "Manchester Siti" kabi jamoalarga qarshi bahslar kutmoqda. Agarda bu to‘siqlardan ham Pastukoglu muvaffaqiyatli o‘ta olsa, unda murabbiy APLda chempionlik uchun kurashishiga ishonchi paydo bo‘ladi.
“Zamin” yangiliklarini “Vkontakti”da kuzatib boring
