Yevropa ligasida guruh bosqichining 5-tur o‘yinlari yakunlandi. Unga ko‘ra, pley-offda ishtirok etadigan 24 jamoadan 14 tasining nomi aniq bo‘lib ulgurdi.
«Atalanta» (Italiya), «Bayer» (Germaniya) va «Liverpul» (Angliya) o‘z guruhlarida 1-o‘rinni egallab, to‘g‘ridan-to‘g‘ri 1/8 finalda ishtirok etadigan bo‘ldi.
«Brayton» (Angliya), «Frayburg» (Germaniya), «Marsel» (Fransiya), «Renn» (Fransiya), «Roma» (Italiya), «Slaviya» (Chexiya), «Vilyarreal» (Ispaniya) va «Vest Xem Yunayted» (Angliya) jamoalari ham Yevropa ligasi pley-offida o‘ynaydi, lekin hozircha qaysi bosqichda ekanligi aniq emas.
«Sporting» (Portugaliya) guruhda 2-o‘rinni olgani aniq bo‘ldi va 1/16 finaldan ishtirokini boshlaydi. Shuningdek YECHLda 3-o‘rinni qo‘lga kiritib ulgurgan «Feyenoord» (Niderlandiya) va «Yang Boyz» (Shveysariya) ham ushbu bosqichdan ishtiroklarini davom ettirishadi.
Musobaqada so‘nggi tur o‘yinlari 14 dekabr kuni o‘tkaziladi.
“Zamin” yangiliklarini “Telegram”da kuzatib boring
