Emeri "Siti"ni mag‘lub etgandan so‘ng: "O‘rnimizni yaxshi bilamiz, ammo ortimizda "Siti", "Yunayted" va " Tottenxem" bor"
"Aston Villa" bosh murabbiyi Unai Emeri "Manchester Siti" ustidan qozonilgan g‘alabadan so‘ng (1:0) o‘z fikrlari bilan o‘rtoqlashdi.
Jamoa "Siti" ustidan qozonilgan g‘alabadan so‘ng APL turnir jadvalida 3-o‘rinni egallab turibdi.
"Bu ajoyib, biz kuchli to‘rtlikdamiz, biz haliyam boshqa jamoalar bilan kurashmoqdamiz. Agar rivojlanish va g‘alaba qozonishda davom etsak, albatta bunga ishonishimiz kerak.
Xursand bo‘lishimiz mumkin, ammo me’yorni bilish kerak. Shanba kuni "Arsenal"ga qarshi bo‘ladigan o‘yinga e’tibor qaratishimiz kerak.
Turnir jadvalidagi o‘rnimizni bilamiz. Ammo ortimizda "Manchester Siti", "Manchester Yunayted" va "Tottenxem" bor. Demak, qiyin bo‘ladi. Lekin biz har bir o‘yinda e’tiborimizni jamlay olamiz va raqobat qilishga harakat qilamiz. O‘tgan safar "Bornmut"ga qarshi o‘yinda yutqazib qo‘yishimizga oz qoldi. Bizga barqarorlik kerak.
Uyda albatta yaxshi. Bizni muxlislar qo‘llab-quvvatlashadi. 12-o‘yinchimiz", - dedi Unai Emeri.
“Zamin” yangiliklarini “Telegram”da kuzatib boring
