Otabek Shukurov: "Hindistonga qarshi o‘yindagi g‘alabadan katta narsa yasash kerakmas. Haqiqiy kuchimiz Avstraliya bilan uchrashuvda bilinadi"

Osiyo kubogining 2-turidan o‘rin olgan O‘zbekiston — Hindiston uchrashuvidan keyin terma jamoamiz yarim himoyachisi Otabek Shukurov o‘yin haqidagi fikrlari bilan o‘rtoqlashdi.

"Avvalambor, muxlislarni g‘alaba bilan tabriklayman. Bunday jamoalarga qarshi tezkor gol juda muhim sanaladi. Buni uddaladik, shu bois raqib ochish o‘yin namoyish etishga majbur bo‘ldi. Lekin bundan katta narsa yasash kerak emas. O‘yindan o‘yinga kuchayib borishga harakat qilamiz.

Avstraliya juda yaxshi jamoa hisoblanadi. Ular qit’ada o‘z o‘rniga ega. Bizning haqiqiy kuchimiz Avstraliyaga qarshi o‘yinda bilinadi. Shu bois, bugundan tayyorgarlikni boshlaymiz va munosib qarshilik ko‘rsatishga harakat qilamiz.

Tarkibda jiddiy yo‘qotishlar bo‘ldi. Biroq o‘yindan o‘yinga kuchaysak, bu biz uchun ham foydali bo‘ladi. Bugun yigitlar o‘yin tomonlama "ochildi". Guruhdan chiqib olsak, yaxshi natijalarga erishish uchun harakat qilamiz", — dedi Shukurov.

“Zamin” yangiliklarini “Telegram”da kuzatib boring