430
"Bekxemga O‘zbekistonni tanishtirdim". APLga yo‘l olgan Muhammadali O‘rinboyev bilan eksklyuziv intervyu
Championat.asia sayti "Paxtakor"dan "Brentford"ga yo‘l olgan vinger Muhammadali O‘rinboyev bilan g‘oyibona suhbat uyushtirdi. Xabaringiz bor, "sherlar" tarbiyalanuvchisi "Brentford"ga ijaraga berildi va u 30 iyunga qadar ushbu jamoa sharafini himoya qiladi. Biz 18 yoshli futbolchi bilan bog‘landik va o‘zimizni qiziqtirgan savollarga javob oldik.
- APLga yo‘l olgan birinchi o‘zbekistonlik futbolchi sifatida nimalarni his qilyapsiz?
- Avvalambor, Assalomu alaykum! Meni qo‘llab-quvvatlayotgan butun O‘zbekiston xalqiga katta rahmat aytaman. Juda ko‘plab xabarlar va iliq fikrlarni qabul qilib olyapman. Xudo xohlasa, o‘zimni ko‘rsatib, o‘zbek futbolchisi nimalarga qodirligini ko‘rsatishga harakat qilaman.
- Bu taklif qayerdan paydo bo‘ldi? "Brentford" siz haqingizda qanday fikrda?
- "Brentford" jamoasi vakillari meni yozdan beri terma jamoadagi o‘yinlarim orqali kuzatib borayotgan ekan. Bu haqda mening manfaatlarimni himoya qiluvchi agentligim aytgandi. Ushbu xabarni eshitgach, o‘z ustimda yanada ko‘proq ishlashga harakat qildim. Mana natijasini ko‘rib turibsizlar.
- O‘tishning moliyaviy shartlari qanaqa bo‘ldi?
- Moliyaviy shartlari a’lo darajada. Barchasi meni qoniqtirdi.
- "Brentford"dagi muhit haqida nimalar deya olasiz? Jamoa mashg‘ulotlariga qo‘shildingizmi?
- Ha, mashg‘ulotlargi qo‘shildim. Hammasi o‘ylaganimdan ham yaxshiroq ko‘rinmoqda. Bu yerda o‘z ishining ustalari yig‘ilgan. Tartib-intizom birinchi o‘rinda turadi va hammaning ishga yondashuvi juda professional. Bu menga juda yoqdi.
- Bilamizki, "Brentford B"da Devid Bekxemning o‘g‘li, hujumchi Romeo Bekxem o‘ynaydi. U bilan tanishib oldingizmi?
- Ha, Romeo Bekxem bilan yaqin do‘st bo‘lib oldik. Unga O‘zbekistonni tanishtirdim va o‘zbek tilini o‘rgatyapman. Uning oilasini O‘zbekistonga taklif qildim. Romeo juda yaxshi yigit. U albatta otasi, Devid Bekxem bilan O‘zbekistonga kelishini aytdi.
- Muhammadali, samimiy suhbat uchun rahmat! Angliya klubidagi faoliyatingizda omad tilaymiz!
- Rahmat! “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
100 mln so‘mgacha bo‘lgan kreditlar soddalashtirilgan tartibda ajratiladi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Germaniya razvedkasi rahbari: “Rossiya yaqin yillarda NATOga hujum qilishi mumkin”
Organizmda qaysi turdagi vitamin yetishmayotganini qanday aniqlash mumkin?
Eron Isroil bilan keng ko‘lamli urushga tayyorligini ma’lum qildi
Gretsiyada minglab odamlar NATOga qarshi namoyish o‘tkazdi
Endi «Doimiy yashash joyiga ro‘yxatga qo‘yish» qulaylashdi (video)
Erdo‘g‘on: “Turkiya G‘azo mojarosi tugamaguncha Falastinni qo‘llab-quvvatlaydi”
