11 fevralga o‘tar kechasi hamyurtimiz Bogdan Guskov “UFC Fight Night 236” turnirida AQSH vakili Zak Paugaga qarshi jang o‘tkazadi. Biz ushbu to‘qnashuv haqida o‘zbek MMA olami vakillarining fikrlari bilan qiziqdik.
Firuzbek Niyazov – bloger
- Bu jang uzog‘i bilan 2-raundda o‘z yakuniga yetadi. Ya’ni, Bogdan Guskov muddatidan avval g‘alabani qo‘lga kiritadi. Albatta, bunday taxmin bildirishimning o‘ziga yarasha sabablari bor. Guskov 1-jangini qanday tarzda qabul qilib olganligini barcha yaxshi biladi. Qisqa muddatda ushbu jangni oldi va kimsan chempionlikka da’vogar maqomiga erishgan va chempionlik jangida Daniel Kormega qarshi bahs yuritgan Volkan Ozdemir bilan to‘qnash kelgandi. Bu safar esa hamyurtimiz to‘liq lagerni o‘tadi. Qolaversa, ko‘p vazn tashlamaydi. Raqibi esa anchagina vazn yo‘qotganligi aniq. Xullas, hamyurtimizdan faqat g‘alaba kutib qolamiz va omad tilaymiz!
Humoyun Ibragimov – MMA jangchisi
Menimcha qiziqarli jang kechadi. Shubhasiz, yurtdoshimizning g‘alaba qozonishini istayman. O‘ylaymanki Bogdan Guskov chiroyli nokaut bilan barchamizni xursand qiladi va UFCdagi g‘alabali odimini boshlab oladi.
Doniyorbek Ro‘ziyev – murabbiy
Nima bo‘lgan taqdirda ham yurtdoshimiz bo‘lgan Bogdan Guskovning g‘alabasini kutaman. Raqib Pauga emas, Jon Jons bo‘lmaydimi? Hamyurtimiz jang qilganidan keyin yaxshi niyat qilamizda. Menimcha Guskov 1-raunddayoq jang taqdirini hal qiladi. O‘ng qo‘l “overxend” va Pauga “uxlaydi”. Omad Bogdan!
Shuhratbek Abdumutalibov – murabbiy
Albatta, Bogdan Guskovning g‘alabasiga umid qilamiz. Ikkisi uchun ham bu jang ahamiyatli, chunki Guskov birinchi jangida yutqazdi, Pauga ham 3 ta jangdan 2 tasida imkoniyatni boy berdi. Xullas, ular juda ehtiyotkor bo‘lishadi. Biroq, hamyurtimiz uni zarbada tuta oladi. O‘ylaymanki, jang 2 –raundlarda Guskovning g‘alabasi bilan yakun topadi. Imkoniyatlarni 70%-30% deya baholagan bo‘lardim.
Kamronbek Ortiqov – MMA jangchisi
To‘g‘risi, Zak Pauganing janglarini ko‘rmaganman. Ammo, Guskovning juda kuchli zarbasi bor. U baribir jang mobaynida bitta aniq zarbaga imkon topadi va raqibini qulatadi. Muddatidan avvalgi g‘alabani kutyapman Guskovdan. Unga omad tilayman.
Behruz Isroilov – MMA jangchisi
Bu jang 3-raundgacha bormaydi. Chunki, Bogdan Guskov raqibiga nisbatan anchagina tez va muddatidan oldin g‘alabani qo‘lga kiritadi. Albatta, shunday g‘alaba bo‘lishini xohlaymiz va hamyurtimizga omad tilaymiz! “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Slovakiya bosh vaziri Putinning taklifini qabul qildi
Organizmda qaysi turdagi vitamin yetishmayotganini qanday aniqlash mumkin?
O‘zbekistonda onkologik kasallikka chalingan ayollar bepul davolanadi
Medvedev Rossiya NATO harbiy bazalariga zarba yo‘llashi mumkinligini istisno qilmadi
Bosh kiyimsiz yurishning organizmga qanday ta’siri bor?
Germaniya razvedkasi rahbari: “Rossiya yaqin yillarda NATOga hujum qilishi mumkin”
Endi «Doimiy yashash joyiga ro‘yxatga qo‘yish» qulaylashdi (video)
100 mln so‘mgacha bo‘lgan kreditlar soddalashtirilgan tartibda ajratiladi
