Futbol bo‘yicha Yevropa Chempionlar Ligasining nimchorak finalidan o‘rin olgan ikki o‘yin 6 mart, chorshanba kuni bo‘lib o‘tdi.
“Real” javob o‘yinida “Leypsig”ga qarshi bahs olib bordi. Birinchi bo‘limda darvozalar daxlsizligi saqlanib qoldi. Ikkinchi bo‘limda esa madridliklar hisobni ochdi. 65-daqiqada Bellinghemning uzatmasini Vinisius Junior golga aylantirdi. Oradan 3 daqiqa o‘tib, Villi Orban hisobni tenglashtirishga muvaffaq bo‘ldi. Qolgan daqiqalarda darvozalar ishg‘ol etilmadi va ikki o‘yin natijasiga ko‘ra Karlo Anchelotti shogirdlari keyingi bosqichga yo‘l oldi.
Germaniyada bo‘lib o‘tgan o‘yinda “qaymoqranglilar” 1:0 hisobida zafar quchgandi.
“Manchester Siti” “Kopengagen”ni qabul qildi va 3:1 hisobida g‘alaba qozondi. “Shaharliklar” safida Manuel Akanji, Xulian Alvares hamda Erling Holand gol mualliflariga aylangan bo‘lsa, Daniya jamoasi tarkibida Elyunussi o‘z nomini tabloga yozdirib qo‘ydi.
Jamoalar o‘rtasidagi dastlabki o‘yinda ham Pep Gvardiola shogirdlarining qo‘li baland kelgandi. Daniyada bo‘lib o‘tgan o‘yinda ham 3:1 hisobi qayd etilgan.
YECHL. 1/8 final.
Javob bahslari
Real — Leypsig 1:1
Gollar: Vinisius (65) — Orban (68).
Real – Lunin, Karvaxal, Nacho, Ryudiger, Mendi, Kroos (Modrich, 78), Chuameni, Kamavinga (Rodrigo, 46), Valverde, Bellinghem (Xoselu, 85), Vinisius.
Leypsig – Gulachi, Henriks, Orban, Lukeba, Raum, Shlager (Elmaz, 85), Olmo, Aydara (Kampl, 90), Simons, Openda (Poulsen, 77), Sheshko (Baumgartner, 85).
Ogohlantirishlar: Shlager (20), Raum (50), Vinisius (54), Orban (71), Chuameni (73), Kroos (75).
Birinchi o‘yin — 1:0.
Manchester Siti — Kopenhagen 3:1
Gollar: Akanji (5), Alvares (9), Holand (45+3) — Elyunussi (29).
Manchester Siti – Ederson, Lyuis, Diash (Stounz, 68), Akanji, Gvardiol, Kovachich, Rodri (Gomes, 46), Nunesh (Hemilton, 74), Bobb, Holand (Rayt, 88), Alvares.
Kopenhagen – Grabara, Ankersen, Vavro, Makkenna, Diks, Yelert (Meling, 78), Elyunussi, Ashuri (Bardakchi, 58), Klem (Hoylund, 69), Froholdt (Mattsson, 58), Ouskarsson (Kornelius, 69).
Ogohlantirishlar: Kornelius (84), Matsson (90).
Birinchi o‘yin — 3:1. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Prezident Mirziyoyev Moskva paradidagi ishtirokidan so‘ng Toshkentga qaytdi
Osvensimda minglab yahudiylar «Tiriklar marshi» aksiyasini o‘tkazdi
OAV: Markaziy Osiyo davlatlari dronlar bilan qurollanmoqda
Rossiyada amerikalik askar o‘g‘rilikda ayblanib qo‘lga olindi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Testni yechgandan keyin yo‘nalish tanlash uchun abituriyentga 10-15 kun vaqt beriladi
Bugun Rossiya hukumati iste’foga chiqadi
Germaniya kansleri Rigada: Rossiyaning hisob-kitoblari o‘zini oqlamadi