Abduqodir Husanov yakunlangan mavsumda Fransiya futboli tarixida ushbu mamlakat yuqori divizionida ishtirok etgan birinchi o‘zbekistonlik futbolchi sifatida tarixda qoldi.
Fransiya futbolini yoritayotgan nufuzli manbalar mavsumni tahlil qilib, yil davomida o‘zini ko‘rsatgan futbolchilar xizmatini e’tirof etmoqda. Xususan, le11hdf.fr sayti ekspertlari “Lans” futbolchilari orasida to‘qqizta nominatsiya bo‘yicha g‘oliblar nomini e’lon qildi.
Eng yaxshi o‘yinchi: Nil Al-Aynaui
“Nansi”ning sobiq futbolchisi “Lans”ga juda katta foyda keltirdi. Nil maydon markazidagi bo‘shliqni to‘la yopa oldi va jamoa o‘yinini tashkillashtirishda jonbozlik ko‘rsatdi.
Mavsumni bo‘sh o‘tkazgan o‘yinchi: Adriyen Tomasson
“Starsbur”dan 2023 yilning boshida olib kelingan futbolchiga hujumlarni tashkil etishda samaradorlik yetishmadi va ichki raqobatda mag‘lub bo‘ldi. Tomasson bora-bora zaxiraga mixlanib qoldi. Ishonch bildirilgan o‘yinlarda qo‘pol xatoga yo‘l qo‘ydi.
Mavsum kashfiyoti: Abduqodir Husanov
Hammaga notanish bo‘lgan o‘zbek futbolchisi Fransiyada nom qozonish uchun uzoq vaqt sarflagani yo‘q. Abduqodir yosh bo‘lishiga qaramay, juda yaxshi ko‘rsatkichlarni qayd etdi. Agar u asosiy va tajribali himoyachilar – Jonatan Gradit, Kevin Danso va Fakundo Medinaning ortidan qoladigan bo‘lsa, boshqa klublar tomonidan talash bo‘lishi aniq.
Bu muvaffaqiyatlar yangi mamlakat, begona til, o‘zgacha muhit va umuman boshqa darajadagi futbolga duch kelgan sharoitda qo‘lga kiritilgani kelasi mavsum Husanovdan ko‘p narsa kutish mumkinligidan dalolat bermoqda.
Ishonchni oqlamagan futbolchi: Salis Abdul Samed
2022-2023 yilgi mavsumning eng kuchli o‘yinchisi bo‘lgan ganalik futbolchi bu gal o‘zining soyasiga bo‘ldi xolos. Mavsumlar oralig‘ida talab darajasida shug‘ullana olmagani uchun chempionat davomida ham jismoniy, ham texnik tomondan zaif o‘ynadi. Yarim himoya yetakchisi rolini ko‘tara olmadi.
Eng yaxshi o‘sishga erishgan futbolchi: Ele Vaxi
27 ta uchrashuvda to‘qqizta gol urgan Ele Vaxi katta o‘sishga erishdi. Buni gollar statistikasi ko‘rsatib turibdi. Ele to‘qqizta golidan yettitasini mavsumning ikkinchi qismida kiritdi.
Eng yaxshi transfer: Nil Al-Aynaui
O‘tgan yoz transfer qilingan futbolchilar orasida narxi va sifati mutanosibligi jihatidan Nil o‘zini oqladi. “Nansi”dan 600 ming yevroga xarid qilingan marokashlik futbolchi jamoa yetakchisi bo‘la oldi.
Eng yomon transfer: Steyn Spirings
Niderlandiyalik futbolchi “Lans” murabbiylar shtabi va klub rahbariyati sabrini tugatishi uchun ikki oy kerak bo‘ldi xolos. To‘rtta o‘yinda maydonga tushgan yarim himoyachining ijara shartnomasi bekor qilinib, “Tuluza”ga qaytarib yuborildi.
Eng zo‘r uchrashuv: “Lans” – “Arsenal”
Yevropa Chempionlar ligasi guruh bosqichida “Lans” futbolchilari Angliyaning qudratli klubi “Arsenal”ni yengib, muxlislarini xushnud etdi.
Eng yomon uchrashuv: “Frayburg” – “Lans”
Chempionlar ligasida guruhdan chiqolmagan “Lans” xalqaro maydondagi ishtirokini Yevropa ligasining o‘tish uchrashuvida davom ettirdi. O‘z maydonida “Frayburg” bilan golsiz durang o‘ynagan “Lans” javob o‘yinida 2:0 hisobida oldinda borib, oxirida uchta gol o‘tkazib yubordi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Ukraina Kursk oblastida egallab olgan hududlarining 40 foizdan ortig‘ini yo‘qotdi
BAAda isroillik ravvin o‘ldirib ketildi
Bayden hozircha Ukrainani NATOga taklif etishga chaqirmaslikka qaror qildi
Xitoylik hakerlar AQSHdagi 150 nafar siyosatchi ortidan josuslik qilgan bo‘lishi mumkin
Farg‘onada noqonuniy valyuta savdosi bilan shug‘ullanganlar ushlandi
Beterbiyev—Bivol revansh jangi sanasi ma’lum bo‘ldi
Sharmandali mag‘lubiyatdan keyin murabbiy futbolchilarni qamab qo‘ydi
