Abbosbek Fayzullayev Transfermarkt portali tuzgan ramziy terma jamoadan joy oldi

Transfermarkt portali Rossiya Premer Ligasining o‘yinlarini tahlil qilib, 23 nafar futbolchini qaydnomaga, ular ichidan 11 nafar futbolchini ramziy tarkibga kiritdi.

Ro‘yxatdan 3 nafar darvozabon, 8 nafar himoyachi va 12 nafar hujumkor futbolchi va hujumchilar kiritilgan.

E’tiborga molik jihati “SSKA” klubidan faqatgina Abbosbek Fayzullayev ushbu ro‘yxatdan joy oldi.

^{Foto: Transfermarkt}
Transfermarkt portali talqiniga ko‘ra RPLning ramziy terma jamoasi:

^{Foto: Transfermarkt}
Darvozabon: Matvey Safonov (“Krasnodar”);
Himoyachilar: Xulian Alonso (“Krasnodar”), Fabian Balbuena va Dmitriy Skopinsev (“Dinamo”), Aleksandr Silyanov (“Lokomotiv”);
Yarim himoyachilar: Eduard Spersyan (“Krasnodar”), Luis Chaves (“Dinamo”), Maksim Glushenkov (“Lokomotiv”), Abbosbek Fayzullayev (“SSKA”);
Hujumchilar: Konstantin Tyukavin (“Dinamo”), Matteo Kasserra (“Zenit”).

Shuningdek, Abbosbek Rossiya Premer Ligasining 2023/24 yilgi mavsumida eng yaxshi yosh futbolchi deb topildi.

^{Foto: Transfermarkt}
O‘zbekistonlik futbolchi RPLdagi o‘zining debyut mavsumidayoq chempionatga moslashdi va Moskva klubining natijalariga yordam berishni boshladi. 20 yoshli futbolchi “SSKA”ning asosiy futbolchilaridan biriga aylana oldi.

Qayd etib o‘tish joiz, Fayzullayev 2 kun oldin RPLda “Mavsum kashfiyoti” sovrinini ham qo‘lga kiritgan edi.

Abbosbek joriy mavsum “SSKA” tarkibida barcha musobaqalarda 32 ta o‘yin o‘tkazib, 5 ta gol va 14 ta golli uzatmaga mualliflik qildi.

Eslatib o‘tamiz, o‘zbekistonlik futbolchi 2023 yilning avgust oyida “Paxtakor”dan “SSKA”ga o‘tgan edi. “Zamin” yangiliklarini “Odnoklassniki”da kuzatib boring