Transfermarkt portali Fransiya chempionati 2023/24 yilgi mavsum yakunlariga ko‘ra, o‘yinchilarning transfer bahosini yangiladi. Unga ko‘ra, «Lans» klubi hamda O‘zbekiston milliy jamoasining himoyachisi Abduqodir Husanovning transfer narxi 500 ming yevroga oshib, hozirda 2,5 million yevroni tashkil etmoqda.
20 yoshli himoyachi o‘tgan yil «Energetik-BGU»dan «Lans»ga o‘tayotganida 400 ming yevroga baholangan bo‘lsa, o‘tgan 10 oy davomida Husanovning transfer bahosi 2,1 million yevroga oshgan.
Shu tariqa, Abduqodir 2,5 mln yevro narx bilan O‘zbekiston milliy jamoasining eng qimmatbaho o‘yinchilari ro‘yxatida Abbosbek Fayzullayev (6 mln yevro) va Eldor Shomurodovdan keyin (5 mln) Oston O‘runov (2,5 mln) bilan birga 3-4-o‘rinni egallab turibdi.
E’tiborlisi, Transfermarkt portali mavsum yakunida «Lans» tarkibidan faqatgina Abduqodir Husanovning transfer bahosini oshirgan. Qolgan o‘yinchilarning iyun oyida transfer bahosi tushirilgan yoki o‘z holatida qoldirilgan.
Qayd etish joiz, 20 yoshli o‘zbekistonlik himoyachi yakunlangan mavsumda «Lans» safida Fransiya chempionatida 11ta o‘yin, Chempionlar ligasi va Yevropa ligasida 2tadan o‘yin o‘tkazgan bo‘lsa, Qatardagi Osiyo kubogida 3ta bahsda maydonga tushdi. Shuningdek, O‘zbekiston olimpiya jamoasi bilan Parij-2024 Olimpiadasiga yo‘llanma oldi.
«Lans» klubi 2022/23 yilgi mavsumda chempion «PSJ»dan bir ochko kam jamg‘arib 2-o‘rinni egallagandi, yakunlangan mavsumni esa 7-o‘rinda tugatdi. Natijadagi bu pasayish Abduqodir Husanovdan boshqa lansliklar safidagi bir qator o‘yinchilarning transfer bahosi sho‘ng‘ishiga sabab bo‘lgan.
Ma’lumot uchun, Ele Vai (35 mln yevro), Kevin Danso (25 mln), Fakunda Medina (25 mln) «Lans» safidagi eng qimmatbaho o‘yinchilar sanaladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
