Ispaniya olimpiya termasi ustozi: "O‘zbekistonning o‘yini men uchun kutilmagan voqea bo‘lmadi"

Ispaniya olimpiya terma jamoasi bosh murabbiyi Santyago Deniya Sanches O‘zbekistonga qarshi (2:1) o‘yindan keyin fikrlari bilan o‘rtoqlashdi.

"O‘zbekistonning o‘yini men uchun kutilmagan voqea bo‘lmadi. Asosiysi, maqsadimizga erishdik, lekin juda qiyin o‘yin bo‘ldi va endi yaxshilanish vaqti keldi. Futbolchilarga to‘liq ma’lumotni aniq qilib yetkazishim kerak.

To‘pga tinimsiz egalik qilishimiz, shu bilan birga, tezroq harakat qilishimiz kerak.

Tanaffusda futbolchilarga to‘pni maydonda tezroq harakatlantirishni uqtirdim. Buni ustida ishlashimiz lozim. Shuni to‘g‘ri yo‘lga qo‘ya olsak, g‘alaba biz tomonda bo‘ladi.

Abel, Miranda va Serxio haqida nima deya olaman? Ularda katta tajriba bor, ammo ularga alohida yondashishni xohlamayman, chunki bu jamoaviy o‘yin. Ular yaxshi jamoadosh, jamoani oldinga yetaklay olishadi, shunisi muhim.

Kubarsining almashtirilishi taktika bilan bog‘liq.

Penaltidan keyingi mentalitet? Chempion bo‘lish uchun muvaffaqiyatsizlik va bir qancha xatolar ham kerak.

Hakamlik haqida hech narsa deya olmayman. Musobaqaga eng yaxshi hakamlar jalb qilingan. VAR'ga kelsak, u ba’zida sizga qarshi qarorlar qabul qiladi, ba’zida esa sizning foydangizga", – dedi Sanches. “Zamin” yangiliklarini “Telegram”da kuzatib boring