Toshkentning “Lokomotiv” jamoasi bosh murabbiyi Aleksandr Krestinin Rossiya matbuotiga intervyu berib, Osiyo futbolining rivojlanayotgani, O‘zbekiston terma jamoasining Olimpiya o‘yinlaridagi o‘yinlari, salohiyati hamda imkoniyatlari haqida fikr-mulohazalarini bildirdi.
- Osiyo futbolida oldinga intilish, rivojlanish bor. O‘zbekiston va Tojikiston terma jamoalari taraqqiyot uchun juda katta qadam tashlayapti. Kimlardir sekinroq odimlayapti. Hatto Indoneziya ham Osiyo kubogida ilk bor pley-offga chiqdi.
Albatta, Rossiya Premer-ligasini O‘zbekiston chempionati bilan taqqoslasa bo‘ladi, - dedi Aleksandr Krestinin.
Tajribali murabbiy O‘zbekiston terma jamoasining Fransiya poytaxti Parij shahri mezbonlik qilayotgan Olimpiya o‘yinlaridagi ishtiroki haqida ham to‘xtaldi.
- Ispaniya – dunyodagi yetakchi futbol mamlakatlaridan biri hisoblanadi. Olimpiada – juda jiddiy va nufuzli turnir. Bundan terma jamoaga qarshi maydonga tushganda qandaydir hayajon baribir bo‘ladi.
Ikkinchi tomondan O‘zbekiston terma jamoasi ajoyib o‘yin ko‘rsatdi. Ayniqsa, oxirgi 20 daqiqada juda katta ustunlik bilan o‘ynadi. Xavfli va qulay vaziyatlar bo‘ldi, biroq gol urish nasib qilmadi.
Ispanlar Osiyo jamoasi bilan katta muammo bo‘lishi mumkinligini o‘ylab ham ko‘rmagan edi. O‘zbekiston terma jamoasi zo‘r kurash olib bordi. Durang o‘ynash uchun juda yaxshi imkoniyat ham bo‘lgandi.
Dadil tarzda Osiyo futboli ko‘tarilayotganini aytishimiz mumkin. U eng yuqori darajadagi musobaqalarda ham raqobatbardosh bo‘lib bormoqda, - dedi “Lokomotiv” bosh murabbiyi.
Shuningdek, Krestining Olimpiada futbol musobaqasining guruh bosqichida Misr terma jamoasiga qarshi o‘tkaziladigan ikkinchi tur o‘yini borasida ham o‘z qarashlari bilan o‘rtoqlashdi.
- Misr bilan bo‘lajak bellashuvga maksimal darajada puxta hozirlik ko‘rish kerak. Oson o‘yin bo‘lmasligi aniq. Ikkinchi tomondan O‘zbekistonning o‘ziga yarasha ustunligi bor. Tablodagi 0:0 hisobini ijobiy tomonga o‘zgartirishga urinish lozim, lekin raqib bunga jiddiy qarshilik ko‘rsatadi, - dedi Aleksandr Krestinin.
Birinchi tur uchrashuvlaridan keyin “S” guruhida Ispaniya terma jamoasi peshqadamlik qilmoqda. O‘zaro uchrashuvda golsiz durang qayd etgan Misr va Dominikan Respublikasi vakillari keyingi pog‘onalarni egallab turibdi.
O‘zbekiston sharchi oxirgi pozitsiyani egallab turgan bo‘lsa-da, keyingi bosqichga chiqish uchun hali juda yaxshi imkoniyatga ega. Qoidaga ko‘ra, guruhda dastlabki ikki pog‘onani egallagan terma jamoalar pley-offga yo‘llanma oladi.
Misr va O‘zbekiston terma jamoalari o‘rtasidagi bellashuv 27 iyul kuni Toshkent vaqti bilan soat 20:00 da boshlanadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sog‘liqni saqlash vazirligi jaziramadan ehtiyot bo‘lishga chaqirdi
Ukraina terma jamoasi bosh murabbiyi Iroq bilan o‘yindagi mag‘lubiyat sababini aytdi
Moskvada yuqori martabali ofitserning mashinasi portlatildi
Timur Kapadze: "Jamoa o‘yinidan qoniqdim. Raqibimiz dunyoning eng kuchli jamoalaridan biri edi"
«Qamchiq» dovonida «Equinox» avtomobili yonib ketdi
Rossiyaga migrantlar oqimi so‘nggi 10 yildagi eng past darajaga tushib ketdi
“Bunyodkor”ning sobiq bosh murabbiyini Parij Olimpiadasida 500 ming yevroga “uxlatib” ketishdi
"Mirabror Usmonov kubogi”: O‘zbekiston Gvatemalani 7:4 hisobida mag‘lub etib musobaqa g‘olibiga aylandi
