Parij - 2024. Asadxo‘ja Mo‘ydinxo‘jayev debyutini g‘alaba bilan boshladi

^{Foto: Milliy olimpiya qo‘mitasi}
Boks bo‘yicha O‘zbekiston milliy jamoasining bugun jangini o‘tkazgan ikkinchi vakili ham g‘alabaga erishdi.

–71 kg vaznda ishtirok etayotgan Asadxo‘ja Mo‘ydinxo‘jayev olimpiya o‘yinlaridagi debyutini Afrika o‘yinlari finalchisi, misrlik Omar Elavadiga qarshi o‘tkazdi va to‘liq ustunlikka erishib (5:0), 1/4 finalga chiqdi.

Kun davomida –57 kg vazn toifasi vakili Abdumalik Halokov ham birinchi jangida g‘alabaga erishgandi.

Shu tariqa, Asadxo‘ja chorakfinalga yo‘llanma olgan o‘zbekistonlik 8-bokschiga aylandi.

Bungacha Ruslan Abdullayev, Lazizbek Mullajonov, Bahodir Jalolov, Hasanboy Do‘smatov, Sitora Turdibekova, To‘rabek Habibullayev va Abdumalik Xalokov ham keyingi bosqichga chiqqan, Nigina O‘ktamova turnirni tark etgandi. –66 kg vazn toifasi vakili Navbahor Hamidova ilk jangini 1 avgust kuni o‘tkazadi.

O‘zbekistonlik bokschilarning keyingi janglari taqvimi:

1 avgust
1/4 final

–63,5 kg, Ruslan Abdullayev — Uatt Senford (Kanada)

1/8 final

–66 kg, Navbahor Hamidova — Morelle MakKeyn (AQSH)

1/4 final

–92 kg, Lazizbek Mullajonov — Keno Marley Machado (Braziliya)

2 avgust
1/8 final

–57 kg, Sitora Turdibekova — Lin Yu Ting (Taypey)

1/4 final

+90 kg, Bahodir Jalolov — Teremoana Teremoana (Avstraliya)
–51 kg, Hasanboy Do‘smatov — Saken Bibossinov (Qozog‘iston)
–80 kg, To‘rabek Habibullayev — Arlen Lopes (Kuba)

3 avgust
1/4 final

–57 kg, Abdumalik Halokov — Hose Kuiles Brotons (Ispaniya)
–71 kg, Asadxo‘ja Mo‘ydinxo‘jayev — Nikolay Tertenyan (Daniya). “Zamin” yangiliklarini “Instagram”da kuzatib boring