FIDE reytingi yangilandi. Nodirbek Abdusattorov yoshlar o‘rtasidagi yetakchilikni qaytarib oldi

Jahon shaxmat federatsiyasi avgust oyi yakunlangach, o‘z reytingini yangiladi. Ushbu yangilangan jahon reytingida kuchli 100 likdan 5 nafar o‘zbekistonlik grossmeyster o‘rin oldi.

^{Foto: Championat}
Reytingda Nodirbek Abdusattorov (2766) 6-o‘rinda qayd etildi. U avvalgi oydagi o‘rnidan bir pog‘ona yuqoriladi. O‘tgan oyda 7-o‘rinda qayd etilgan Nodirbek bu oydagi reytingda Gukeshni ikki ochko ortda qoldirdi. Javohir Sindorov (2677) avvalgi oyda 54-o‘rinda qayd etilgan edi, bu oyda u 52-o‘rinda qayd etildi.

Bundan tashqari, eng kuchli shaxmatchilar reytingida Rustam Qosimjonov (2685) ham o‘rin olgan. Tajribali shaxmatchi — 42-o‘rinda. Avvalgi oyda kuchli 72-o‘rinda qayd etilgan Nodirbek Yakubboyev (2666) 61-o‘ringa ko‘tarildi. 2650 reyting ochkosiga ega shaxmatchi Shamsiddin Vohidov 77-o‘ringa ko‘tarildi. U avvalgi reytingda 93-o‘rinda qayd etilgan edi.

^{Foto: Championat}
O‘tgan oyda Nodirbek yoshlar o‘rtasidagi rasmiy reytingda 1-o‘rinni hindistonlik Gukeshga bo‘shatib bergan edi. Yangilangan reytingda Abdusattorov o‘z o‘rnini qaytarib oldi. Yana bir shaxmatchi Javohir Sindorov 5-o‘rinni egallab turibdi.

AQSHning Sent-Luis shahrida bo‘lib o‘tgan shaxmat bo‘yicha nufuzli Sinquefield Cup turnirida Nodirbek Abdusattorov 3-o‘rinni egalladi. “Zamin” yangiliklarini “Facebook”da kuzatib boring