Qozog‘istonning Ostona shahrida o‘tkazilayotgan Jahon ko‘chmanchilar o‘yinlarining ko‘pkari musobaqasi finali mojaro bilan tugadi.
12 sentyabr kuni hal qiluvchi bahsda Qozog‘iston va Qirg‘iziston ko‘pkarichilari bellashdi. O‘yin mezbonlarning 5:4 hisobidagi g‘alabasi bilan yakunlandi.
Bellashuv asabiy ruhda o‘tib, mezbonlar vakili raqibini qamchi bilan urganidan keyin to‘polon va mushtlashuv tufayli to‘xtatib turildi.
Qirg‘iziston sportchilari taqdirlash marosimida kumush medallarini yechib tashlab, o‘z davlati bayrog‘ini baland ko‘tarib, sahnadan chiqib ketdi.
Keyinchalik, Qirg‘iziston ko‘pkari federatsiyasi finalda qayd etilgan natijaga norozilik shikoyatini yozdi. Ular bahsni boshqargan qozog‘istonlik hakam o‘z hamyurtlari foydasiga bir qancha bahsli qarorlarni qabul qilgan deb hisoblamoqda. Shuningdek, qirg‘izistonliklarga mahalliy huquq-tartibot idoralari xodimlari tomonidan bosim bo‘lganini ta’kidlamoqda.
Jahon ko‘chmanchilar o‘yinlarida O‘zbekiston ham ishtirok etmoqda va 11 oltin, 12 kumush, 11 bronza medali bilan uchinchi o‘rinni egallab turibdi. Qozog‘iston terma jamoasi 33 oltin, 25 kumush, 28 bronza bilan peshqadamlik qilmoqda. Musobaqalar 13 sentyabr kuni yakunlanadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Besh arab davlati Isroilga talab qo‘ydi
O‘zbekiston va Rossiya hukumatlararo qo‘shma komissiyaning navbatdagi majlisi bo‘lib o‘tdi
Rossiya va O‘zbekiston o‘rtasida «Agroekspress» qatnovlari bo‘yicha shartnoma imzolandi
Vengriya 2025 yilda O‘zbekistonda "Kubik Rubik" ko‘rgazmasini o‘tkazadi
AQSHdagi Portlend aeroportida lamalar va alpakalar ish boshladi
Qishloq xo‘jaligi vaziri sobiq o‘rinbosari va uning qizi ozodlikdan mahrum qilindi
Zelenskiy: “Rossiya Kursk viloyatida qarshi hujum boshladi”
Tadqiqot: issiq havo tug‘ilish darajasini pasaytiradi