12 oktyabr kuni Saudiya Arabistonida katta boks oqshomi o‘tkaziladi. Turnirning asosiy to‘qnashuvida ikki rossiyalik chempion – Dmitriy Bivol va Artur Beterbiyev o‘rtasida uzoq kutilgan jang bo‘lib o‘tadi.
Shuni ta’kidlash kerakki, mazkur qarama-qarshilikda rasmiy ravishda ruslar jang qilmaydi. Chunki ikkala bokschi ham boshqa mamlakat vakili. Bivol Qirg‘iziston bayrog‘i ostida bellashadi. Beterbiyev esa Kanada sharafini himoya qiladi. Albatta, bokschilar ruslar ekanini hamma yaxshi tushunadi. Lekin ayni paytda yigitlar siyosiy vaziyat tufayli boshqa davlatlar bayroqlari ostida chiqishga majbur.
Shunisi e’tiborga loyiqki, Bivol 1990 yilda Qirg‘izistonda tug‘ilgan. Ammo uning otasi moldovalik, onasi koreys edi. Dmitriy boksdagi ilk qadamlarini Qirg‘izistonda tashlaydi. 2002 yilda esa bo‘lajak super yulduzning oilasi Rossiyaga ko‘chib o‘tdi va Bivol Rossiyada professional bokschiga aylandi. Shu bois rossiyaliklarga qo‘yilgan sanksiyalar sportchiga unchalik ta’sir qilmadi. Bivol Qirg‘izistonda tug‘ilgani bois cheklovlar olib tashlandi.
Beterbiyevga kelsak, unda hammasi murakkabroq. Artur Dog‘istonda tug‘ilgan, chechen millatiga mansub. Beterbiyev Rossiya terma jamoasida havaskor karyerasini qurdi, Olimpiya o‘yinlariga bordi va o‘z vatani bayrog‘i ostida ishtirok etdi. Ammo professional boksga o‘tish paytida Kanadaga ko‘chib keldi. Hatto u yerda pasport ham oldi. Biroq keyinroq faoliyatini tugatgach, Rossiyaga qaytishini, Kanadada faqat boks uchun qolganini ma’lum qildi.
Bugungi siyosat Bivol va Beterbiyevni boshqa davlatlar bayroqlari ostida chiqishga majbur qildi. Boshqa yo‘l bo‘lishi mumkin emasdi. Rad etish bokschilarning faoliyatiga jiddiy zarar keltirishi mumkin edi. Shuning uchun ham endi “qirg‘iz” va “kanadalik” ringga chiqadi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Husiylar Isroil aviabazasiga gipertovushli raketa bilan zarba berdi
BAAda isroillik ravvin o‘ldirib ketildi
Ukraina Kursk oblastida egallab olgan hududlarining 40 foizdan ortig‘ini yo‘qotdi
So‘rovnoma: Isroilliklarning 64 foizi Netanyaxu hukumatiga ishonmaydi
Ukraina Kursk viloyatidan qo‘shinlarini olib chiqish niyatida emas
Lukashenko agar norozilik namoyishlari bo‘lsa, Belarusda internetni butunlay “uzish” bilan tahdid qildi
Ukraina askari mashg‘ulotlardan bir hafta o‘tib qanday qilib asirga tushganini aytib berdi
