Abduqodir Husanovga Angliyaning “Chelsi” klubi qiziqish bildirmoqda

Fransiyaning “Lans” klubida to‘p suruvchi o‘zbekistonlik futbolchi Abduqodir Husanov Yevropaning grand klublari nishoniga aylandi.

Husanovga Angliyaning “Chelsi” klubi jiddiy qiziqish bildirmoqda. “Aristokratlar” skautlarining faoliyatini yoritib boruvchi Haitham X sahifasi “Chelsi” Abduqodir Husanovni kuzatish uchun Fransiyaga o‘z skautlarini jo‘natganini yozgan. Skautlar “Lans”ning “Lill”ga qarshi o‘yinida (26 oktyabr) 20 yoshli himoyachining harakatlarini kuzatadi.

Ma’lumot uchun, Abduqodir Husanov Fransiya chempionatida 8-tur yakunlariga ko‘ra ramziy jamoadan o‘rin olgandi.

Qayd etib o‘tish joiz, “Lans” Liga 1 da 14 ochko jamg‘argan holda 5-o‘rinda bormoqda. “Zamin”ni Telegramʻda oʻqing!