Fransiya chempionatida yuqori o‘rinlar uchun kurashayotgan “Lans” bosh murabbiyi Uill Still o‘zbek legioneri Abduqodir Husanov tufayli o‘yin sxemasini o‘zgartirishiga to‘g‘ri keldi.
Gap shundaki, bir necha yillardan beri lansliklar uch kishilik himoya sxemasini qo‘llab keladi va shu orqali Liga 1da eng mustahkam himoyaga ega jamoaga aylangan. Odatda, bu uchlikni Jonatan Gradit, Kevin Danso va Fakundo Medina tashkil qiladi.
“Lans” yozgi transferlar vaqtida Kevin Dansoni “Roma”ga transfer qilib, uning pozitsiyasini Abduqodir Husanovga topshirgan edi. Garchi avstriyalik futbolchi Rim klubiga o‘tolmagan bo‘lsa-da, salomatligi tufayli bir necha hafta maydondan tashqarida qolib ketdi. Bu vaqt mobaynida 20 yoshli o‘zbek himoyachisi “Lans” tarkibidan muqim joy oldi va ketma-ket ikki oydan beri jamoasining eng yaxshi o‘yinchisi bo‘lmoqdi.
Endi Kevin Danso muammolarini hal qilib yana safga qaytdi. Ko‘pchilikni endi Uill Still qaysi himoyachini asosiy tarkibdan chiqarib tashlashi qiziqtirayotgan edi.
Bu borada Husanovning boshqa himoyachilar oldida katta ustunligi borligini ta’kidlash lozim. Hamyurtimiz nafaqat himoya markazida, balki har ikki qanotda ham juda ishonchli o‘ynaydi va buni so‘nggi uchrashuvlarda isbotlab qo‘ydi.
Uill Still boshchiligidagi murabbiylar shtabi endi to‘rt himoyachi bilan yangi o‘yin sxemasini joriy qilmoqda va buni amalda qo‘llay boshladi. Chunki Uill Still maydonga faqat eng zo‘r tayyorgarlikka ega futbolchilarni tushurishga va’da bergan va hech kim o‘zidan o‘zi safni tark etmaydi.
- Men har doim maydonga eng zo‘rlari tushishini ta’kidlab kelganman. Hozir bu to‘rttala himoyachi eng yaxshi o‘yinchilarimiz bo‘lsa, demak maydonda ularning bari o‘ynaydi. Ularni joylashtirish uchun eng orqa chiziqqa uchtasini qo‘yib, bittasini maydon markaziga yaqinroq joylashtirish mumkin. Kim maydonga loyiq bo‘lsa, ana o‘shalar to‘p tepadi, - dedi Uill Still.
“Lans” darvozaboni Bris Samba murabbiylar shtabi himoya uchligiga oxiri bo‘lib qo‘shilgan Abduqodir Husanovni asosiy tarkibda qolganidan xursand. Tajribali darvozabon keyingi o‘yinlarda 20 yoshli himoyachiga ancha suyanib qoldi va uning futbolchi sifatidagi imkoniyatlariga yuqori baho bermoqda.
- Avval ham aytganimdek, Abduqodir haqiqiy “monstr”. Yosh bo‘lishiga qaramay, u hamma narsani uddalay oladi.
Husanov gapga kiradigan, juda oliyjanob va ko‘p mehnat qiladigan yigit. Hammamiz undan hayratdamiz. To‘g‘risini aytsam, uning kelajagi juda porloq. Uning shu yoshida amalga oshirayotgan ishlarini ta’riflashga til ojiz.
Abduqodir Husanovning boshlang‘ich tarkibdan muqim joy olgani va u maydonda qolishi uchun uch kishilik himoya sxemasi o‘zgartirilayotgani muhim o‘zgarish hisoblanadi. Biz uni har doim qo‘llab-quvvatlaymiz, bizga jamoa nufuzini oshirish va kamroq gol o‘tkazishimiz uchun qilayotgan mehnatlarini qadrlaymiz, - dedi Bris Samba.
Husanov 2023 yilning yozidan beri “Lans” sharafini himoya qilmoqda. Joriy mavsumda legionerimiz lansliklarning Liga 1 va UYEFA Konfederatsiyalar ligasidagi jami 11 ta uchrashuvining barchasida ishtirok etdi. Fransiya futboli tahlilchilari Abduqodirni nafaqat Liga 1 doirasida, balki Yevropa miqyosida eng kuchli himoyachilardan ekanini ta’kidlamoqda.
Ayni paytda 20 yoshli futbolchimizga Fransiya, Italiya, Angliya, Germaniya klublaridan jiddiy qiziqishlar bo‘layotgani haqida ma’lumotlar tobora ko‘payib boryapti. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Xalqaro jinoyat sudining orderi Isroilni nega qo‘rqityapti?
Italiya sudi Quddus Isroil poytaxti emasligi haqida qaror chiqardi
Zelenskiy Putin borasida bayonot berdi: “Tinchlikni istaganlar yuziga tupurmoqda”
2026 yilda bo‘lajak mundialning favoritlari reytingi taqdim etildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
