Bektemir Meliqo‘ziyev: Tajribali raqibga qarshi og‘ir jang bo‘lib o‘tdi

^{Foto: Instagram / Bektemir Meliqo‘ziyev}
Ayni daqiqalarda AQSHning Nevada shtati Las-Vegas shahrida professional boks turniri bo‘lib o‘tdi.

Unda ikkinchi o‘rta vazn toifasidagi professional bokschi Bektemir Meliqo‘ziyev (15-1, 10 KO) amerikalik Devid Stivensga (14-2, 10 KO) qarshi chempionlik kamari uchun saralash jangini o‘tkazib, ochkolar hisobiga g‘alaba qozongan edi.

Jangdan keyin Bektemir o‘z fikr-mulohazalarini bildirib o‘tdi: “Barchangizga qo‘llab-quvvatlab turganingiz uchun minnatdorchilik bildiraman. Tajribali raqibga qarshi og‘ir jang bo‘lib o‘tdi va muhim g‘alabaga erishdim. Endi oldinda katta janglar kutib turibdi. Jamoam bilan kamchiliklarni tuzatgan holda, kelasi janglarda bundan-da yorqinroq g‘alabalarga erishib, chempionlik kamarlari bilan barchangizni xursand qilishga harakat qilaman”.

Ma’lumot uchun, Bektemir Meliqo‘ziyev faoliyatidagi 16-jangida 15-g‘alabasini qo‘lga kiritdi. “Zamin” yangiliklarini “Odnoklassniki”da kuzatib boring