“Lans” kashfiyotiga aylangan Abduqodir Husanovning xaridorlari ko‘payib bormoqda. Fransiya chempionati jamoalari orasida o‘zbek legioneriga birinchi bo‘lib “Pari Sen-Jermen” e’tibor qaratgan edi. Parijliklar hamon 20 yoshli himoyachini kuzatib kelmoqda.
Endi hamyurtimiz uchun kurashga Fransiyada PSJda ham mashhur bo‘lgan “Marsel” klubi qo‘shildi. Bu haqda Fransiya futbolini yoritayotgan bir necha manbalar ma’lumot chiqara boshladi.
LЕONS SIRIAK, foot-sur7.fr sayti eksperti:
PSJ va “Marsel” klublari “Lans”ning yosh himoyachisi Abduqodir Husanovni o‘z safiga qo‘shib olishni maqsad qilgan. Ayniqsa, “Marsel” qishki transferlar vaqtida “Lans”ga hujumga o‘tmoqchi.
“Marsel” prezidenti Pablo Longoriya va klub xo‘jayinlari “Lans”dan himoyachi Abduqodir Husanovni olish bo‘yicha ish boshladi. 20 yoshli o‘zbek futbolchisi o‘z salohiyatini namoyish qilish orqali bu mavsum “Lans”ning eng muhim o‘yinchisiga aylandi va bugungi kunda Uill Still jamoasining tayanchi hisoblanadi.
Husanovning o‘yini Yevropaning qator grand klublari e’tiborini o‘ziga qaratgan. Xususan, PSJ ham qishki transferlar davrida o‘zbek futbolchisini olishga harakat qilishi kutilmoqda. Fransiya chempionlarining sport direktori Luish Kampush Abduqodirni klubni tark etishi kerak bo‘lgan Slovakiya terma jamoasi o‘yinchisi Milan Shkrinyarning o‘rniga olib kelmoqchi.
“Marsel” esa, jamoa himoyasini mustahkamlash uchun markazga yangi o‘yinchi qidirayotgani bois, Husanov uchun kurashga qo‘shildi. Lekin bu futbolchining “Lans” uchun ahamiyatini inobatga olib, yanvarda bu transferni amalga oshirish oson bo‘lmaydi.
MSN.COM:
“Marsel” bosh murabbiyi Roberto De Dzerbi qishda jamoa himoyasini kuchaytirishni talab qilmoqda. Bu mutaxassis orqa chiziq jamoaning eng zaif nuqtasi ekanini ma’lum qildi.
Roberto De Dzerbi himoyachilarning o‘yini va jamoadagi mudofaa vakillarining ahvolidan qoniqmayapti. Shansel Mbemba hali tarkibga kirishga ham loyiq emas. Leonerdo Balerdining darajasi yuqori o‘rinlar uchun kurashishga yetishmasligi oshkor bo‘lib bormoqda. Asosiy himoyachilardan biriga aylanishga va’da bergan Lilian Brase ham hali o‘z so‘zining ustidan chiqqani yo‘q. Himoya zaifligi tufayli jamoa chempionatning dastlabki 11 ta uchrashuvida 15 ta gol o‘tkazib yubordi. Bu juda ko‘p.
Klub xo‘jayini Pablo Longoriya transfer bozorini sinchiklab o‘rganib chiqdi va Abduqodir Husanov timsolida noyob talant egasini topdi. Husanov grand klublar qo‘yadigan ko‘plab talablarga to‘liq javob bera oladi. 20 yoshli o‘zbek futbolchisining salohiyati yuqoriligi uning professional nuqtayi nazardan yanada o‘sishi mumkinligini tasdiqlayapti.
NEWS.DAYFR.COM:
“Marsel” qishki transferlar oynasi ochilishi bilan faollik ko‘rsatadigan bo‘lyapti. Klub himoya chizig‘i markazi va yon qanotda ikkita yangi o‘yinchi paydo bo‘lishi kutilyapti. Ularning nomi ma’lum bo‘ldi.
Marselga olib kelinadigan nomzodlardan biri Kilian Sildilliya o‘ng qanot himoyachisi hisoblanadi. Fransiyalik futbolchi “Mes”da tarbiyalangan va to‘rt yildan beri Bundesligada “Frayburg” jamoasi sharafini himoya qilib kelmoqda.
Himoya markaziga ikki nomzod ko‘rib chiqilmoqda. Ulardan biri “Chelsi”da o‘yin amaliyotisiz qolib ketayotgan Benua Badiashilya. 23 yoshli futbolchini “aristokratlar” 2023 yilning yanvarida 38 million yevroga “Monako”dan transfer qilgandi. Lekin iste’dodli markaziy himoyachi London klubining asosiy tarkibiga kira olmayapti.
“Marsel” mutasaddilari “Lans” himoyachisi Abduqodir Husanovga ham jiddiy qiziqmoqda. 20 yoshli o‘zbek futbolchisi mavsumning haqiqiy kashfiyoti bo‘ldi. Iqtidorli himoyachi nafaqat klub, balki O‘zbekiston milliy terma jamoasida ham muvaffaqiyatli o‘ynamoqda.
Abduqodirga Fransiyaning PSJ va “Marsel” klublaridan tashqari Yevropaning boshqa klublaridan ham qiziqish bor. Uning transfer summasi 10 million yevrodan ortiq ekani ta’kidlanayotgan bo‘lsa-da, “Lans” o‘z o‘yinchisi uchun bundan bir necha baravar ko‘p mablag‘ talab qiladi.
Eslatib o‘tamiz, Abduqodir Husanov futboldagi boshlang‘ich bilimlarini “Bunyodkor” klubida olgan. Professional faoliyatini Belarus chempionatining “Energetik-BGU” jamoasida boshladi. “Lans” hamyurtimizni 2023 yilning yozida o‘z safiga qo‘shib oldi.
Abduqodir Husanov “Lans” tarkibida Fransiya chempionatidan tashqari UYEFAning uchta nufuzli musobaqasi – Chempionlar ligasi, Yevropa ligasi va Konferensiyalar ligasida ham debyutini nishonladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Apple dongdor ikki ayfonini rasman eskirgan deb e’lon qildi
AQSH Isroilning ikki vaziriga sanksiya qo‘llamoqchi
Endi operatsiyadan so‘ng kesmalar o‘rni ikki barobar tezroq bitishi mumkin
Donald Tramp 27 yoshli Karolin Levittni Oq uy matbuot kotibi etib tayinlamoqchi
Yaxshi pishgan va mazali anor tanlashga yordam beradigan tavsiyalar
Organizm o‘zini toksinlardan qanday tozalaydi?
AQSH harbiylari orasida o‘z joniga qasd qilish ko‘paydi
Buyrak salomatligi uchun eng foydali sabzavot...
