O‘zbekiston milliy terma jamoasi 2026 yili AQSH, Kanada va Meksikada bo‘ladigan jahon chempionatiga chiqish uchun o‘tkazilayotgan mintaqaviy saralash turnirida navbatdagi g‘alabasini nishonladi.
Bu gal Srechko Katanes shogirdlari Laosda tashkil etilgan bahsda Koreya Xalq Demokratik Respublikasi terma jamoasi bilan kuch sinashdi.
Eldor Shomurodov va Otabek Shukurov singari yetakchilarsiz o‘ynagan terma jamoamiz futbolchilari bu bahsda katta qiyinchilikka duch keldi. Bu uchrashuvda asosiy qahramonlar vazifasini yagona golni urgan Abbosbek Fayzullayev va shimoliy koreyaliklarning 11 metrlik nuqtadan bergan zarbasini qaytargan O‘tkir Yusupov bo‘ldi.
Fransiya futbolini yoritayotgan qator manbalar, xususan, lensois.com sayti “Lans”da o‘ynayotgan Abduqodir Husanov tufayli O‘zbekiston milliy terma jamoasining uchrashuvlarini tahlil qilib bormoqda. Bu nashr ekspertlari terma jamoamiz va Husanov o‘yiniga quyidagicha baho berdi:
- Abduqodir Husanov 2026 yilgi jahon chempionatining Osiyo mintaqasi saralash turniri doirasida O‘zbekiston milliy terma jamoasi safida Laosda Shimoliy Koreya futbolchilariga qarshi o‘tkazilgan muhim uchrashuvda to‘liq o‘ynadi.
“Lans” himoyachisi va uning milliy jamoadagi jamoadoshlari qiyin o‘tgan bellashuvda 1:0 hisobida zafar quchdi.
Laosdagi to‘qnashuvda o‘zbeklar tanaffusga bir daqiqa qolganida Abbosbek Fayzullayevning uzoq masofadan yo‘llagan zarbasi tufayli hisobda oldinga chiqib oldi.
Abduqodir Husanov yetakchilik qilgan himoya chizig‘i vakillari qolgan daqiqalarda hisobni ushlab qolish va darvoza daxlsizligini saqlash uchun kurash olib bordi.
Koreyaliklarda o‘yinni qutqarish imkoni bo‘ldi. 83-daqiqada Umar Eshmurodov qizil kartochka oldi. Hakam penalti belgiladi. Lekin Chon Il Gvan uni aniq bajara olmadi. Darvozabon O‘tkir Yusupov zarbani qaytardi.
Bu g‘alabadan keyin O‘zbekiston milliy terma jamoasi 13 ochko bilan musobaqa jadvalida Erondan keyin ikkinchi pog‘onada bormoqda, - deb yozdi lensois.com sayti eksperti Klement Kurtua.
Ta’kidlash joizki, futbolchilarimiz Erondan uch ochko ortda qolmoqda. Endi saralash turnirining qolgan uchrashuvlari keyingi yilning martidan boshlanadi. Srechko Katanes shogirdlari 2025 yil davomida 20 martda Toshkentda Qirg‘iziston va 25 martda safarda Eron bilan o‘ynaydi.
Saralashning so‘nggi ikki turini 5 iyunda Birlashgan Arab Amirliklari bilan safarda va 10 iyunda Qatarga qarshi Toshkentda o‘tkazadi.
Eslatib o‘tamiz, Abduqodir Husanov O‘zbekiston milliy terma jamoasining eng mashhur futbolchisiga aylanib bormoqda. 20 yoshli himoyachimizga Fransiyaning PSJ va “Marsel”, Angliyaning “Tottenxem” va “Chelsi”, Germaniyaning “Bayer” kabi kuchli klublari da’vogarlik qilmoqda. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
20 yoshli o‘zbekistonlik qizni qarindoshi Turkiyaga sotib yubordi
Omega-3 qanday qilib ozishga yordam beradi?
Xatolar va mag‘lubiyatlar... ular kechiriladimi?
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Endi operatsiyadan so‘ng kesmalar o‘rni ikki barobar tezroq bitishi mumkin
Eron AQSHdan 1 trln dollar kompensatsiya talab qildi
Kim Chen In harbiylarni jangovar holatda turishga chaqirdi
