Yanvar oyida Abduqodir Husanovning faoliyatida keskin burilish bo‘lishi mumkin. “Lans” moliyaviy feyr-pley doirasida 40 million yevrodan ko‘proq mablag‘ topishi shart. Yevropaning grand klublari Husanov transferi bo‘yicha lansliklarga bosim o‘tkaza boshladi.
Yevropa futbolini yoritib kelayotgan culturepsg.com sayti eksperti Jan Shemarin “Lans” atrofidagi vaziyatni sharhladi.
- “Lans”ni qishda tark etishi kutilayotgan Abduqodir Husanov “Pari Sen-Jermen” qidirayotgan markaziy himoyachi profiliga to‘liq mos keladi. Biroq bu o‘yinchi atrofida katta raqobat yuzaga kelgan.
2023 yilning yozida 100 ming yevroga olingan futbolchini “Lans” yanvarda 300 baravar qimmatiga, ya’ni 30 million yevroga transfer qilishi mumkin.
Husanov – hozir “Lans”ning eng zo‘r o‘yinchisi. Aynan shu futbolchini tarkibdagi joyini saqlab qolish uchun bosh murabbiy Uill Still ko‘p yillik taktik sxemadan voz kechib, to‘rtta himoyachi bilan o‘ynay boshladi. 20 yoshli universal himoyachi orqa chiziqning istalgan nuqtasida ishonchni oqlay oladi.
PSJ Husanovni qishda ketishi kutilayotgan Milan Shkrinyar va yaqin kelajakda jamoa sardori Markinosning o‘rniga himoya chizig‘ini boshqaradigan himoyachi sifatida tanlagan, - deb yozdi culturepsg.com sayti eksperti Jan Shemarin.
“Lans” moliyaviy muammolarini hal qilish maqsadida Husanov uchun 30 million yevro atrofida haq talab qiladi. Klub rahbariyati o‘yinchining shu narx atrofida transferini tashkil qilishni mashhur agent Joje Mendeshga topshirdi.
- Jorje Mendesh Husanovga qiziqayotgan PSJ sport direktori Luis Kampush bilan do‘stona aloqaga ega. Bundan tashqari, portugaliyalik mutaxassis bu transferga Yevropaning qator klublarini jalb qilishi mumkin.
Xususan, Jorje Mendesh o‘zining ko‘ptarmoqli aloqalariga tayangan holda bu jarayonga “Nyukasl”, “Lester Siti”, “Manchester Siti”, “Tottenxem”, “RB Leypsig”, “Bayer”, “Napoli”, “Atletiko Madrid” kabi klublarni qamrab ola biladi.
Yuqorida nomi keltirilgan jamoalardan bir nechtasi Abduqodir Husanovni qishki transferlar vaqtida qo‘lga kiritishga urinib ko‘rmoqchi. Demak, vaziyatni kuzatmiz, - deb yozdi foot-sur7.fr eksperti Jan Lyuk.
Abduqodir Husanovning transfer narxi transfermarkt.world portalida 12 million yevroga yetgani qayd etilgan. Bu ko‘rsatkich bo‘yicha 20 yoshli legionerimiz Markaziy Osiyoning eng qimmatbaho o‘yinchisi hisoblanadi. Biroq “Lans” himoyachini qo‘yib yuborish uchun bu summadan anchagina yuqori narx talab qilmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mask Ukrainaga yordam berishni AQSHning eng yomon qarorlaridan biri deb atadi
Al-Juloniy: “Suriya Afg‘oniston emas va bo‘lmaydi ham”
Donald Tramp Yevropa Ittifoqiga ultimatum qo‘ydi
Isroilning qariyb 2 mln aholisi qashshoqlikda kun kechirmoqda
Rossiyalik harbiylar Kiyevga ballistik raketa bilan hujum qildi
Putin Suriyadagi vaziyatdan foyda ko‘rgan davlat nomini aytdi
Shavkat Mirziyoyev rossiyalik generalning o‘limi munosabati bilan Putinga hamdardlik bildirdi
General Kirillovning qotillik ishi ochilishida O‘zbekiston tomoni ham ishtirok etadi
