"Manchester Siti" yana bir himoyachi sotib olishni koʻzlayapti

"Manchester Siti" klubi yana bitta himoyachi, ya'ni "Yuventus" klubining himoyachisi Andrea Kambyazoni ham sotib olishni maqsad qildi.

Jurnalist Janluka Di Martsioning ma'lum qilishicha, "Manchester Siti" klubi 24 yoshli futbolchi Andrea Kambyazoning transferi borasida muzokaralarni boshlab yuborgan. Klub "Yuventus"ga 60-65 mln yevrolik taklif joʻnatishga tayyor turibdi.

Himoyaning ikkala qanotida ham oʻynay oladigan Kambyazo ushbu mavsumda "Yuventus" safida 19 ta oʻyinda qatnashdi va raqiblar darvozasiga 2 ta gol kiritishga muvaffaq boʻldi.

Hozirga qadar "shaharliklar" yana ikki himoyachi - Vitor Reys ("Palmeyras") va Abduqodir Husanovni ("Lans") qoʻshib olishga yaqin turibdi. “Zamin” yangiliklarini “Telegram”da kuzatib boring