Gvardiola klubning yanvardagi transferlariga qanday munosabat bildirdi?

“Manchester Siti” bosh murabbiyi Xosep Gvardiola klubning qishki transferlar oynasi davrida faollik koʻrsatayotganiga munosabat bildirdi.

- "Oʻtgan mavsumdayoq ertami-kechmi transfer bozorida faollikni oshirishimizga toʻgʻri kelishini his qilgandik. Hozir shu bilan mashgʻulmiz.

Agar barcha futbolchilar yuqori sport formasida boʻlganida bu ishni qilmasdik. Biroq bugungi kunda bizning ixtiyorimizda bir yoki ikkita markaziy himoyachi bor, bundan koʻp emas", - dedi ispaniyalik mutaxassis.

“Manchester Siti” mutasaddilari yanvar oyida uchta transfer boʻyicha ish olib bordi. Xususan, “Lans” va “Palmeyras” markaziy himoyachilari Abduqodir Husanov va Vitor Reys “Manchester Siti”ga koʻchib oʻtadigan boʻldi.

Shuningdek, “shaharliklar” hujum chizigʻiga “Ayntraxt” toʻpurari Umar Marmushni ham olib kelishni uddalagani aytilmoqda. “Zamin” yangiliklarini “Telegram”da kuzatib boring