Ko‘zlarim quvnasin desangiz...albatta ko‘ring bu lahzalarni!(video)

Eldor Shomurodov Yevropa Ligasida qahramonga aylandi!

Yevropa Ligasi 1/8 final bosqichidan o‘rin olgan "Roma" - "Atletik" bahsi muxlislarga unutilmas onlarni taqdim etdi. Ushbu o‘yinda Eldor Shomurodovning g‘alaba goli nafaqat rimliklar uchun, balki o‘zbek futboli uchun ham muhim tarixiy lahza bo‘ldi!

Shomurodovdan so‘nggi daqiqada g‘alaba goli!

Uchrashuvdagi dastlabki hisobni "Atletik" forvardi Inyaki Uilyams ochdi (50-daqiqa). Biroz o‘tib, "Roma" safiga yaqinda qo‘shilgan Anxelino javob golini urdi (56-daqiqa). Lekin bu kechada asosiy qahramon aynan Eldor Shomurodov bo‘ldi!

Zaxiradan maydonga tushgan o‘zbekistonlik hujumchi 90+3 daqiqada jamoasiga g‘alabani ta’minlovchi golni urdi. Garchi maydonga tushishi bilan sariq kartochka ishlab olgan bo‘lsa-da, Eldor 85-daqiqadagi epizodda katta ta’sir ko‘rsatdi. Unga qarshi qo‘pollik ishlatgan Yeray Alvares qizil kartochka olib, maydondan chetlatildi.

G‘alabadan so‘ng – samimiy quvonch!

O‘yin yakunlanganidan keyin "Roma"ning barcha futbolchilari g‘alabani Shomurodov bilan nishonlash uchun uning oldiga yugurishdi. Bu holat nafaqat jamoadoshlar, balki stadiondagi muxlislarning ham quvonchini yanada oshirdi.

Jamoa bosh murabbiyi, mashhur mutaxassis Don Klaudio Raniyeri ham Eldorni samimiy tabrikladi. Unga bo‘lgan ishonch va quvonchli tabassum barcha futbol muxlislarini hayratga soldi.

Rim muxlislari Eldorni qahramonga aylantirdi!

Bu g‘alaba nafaqat "Roma", balki o‘zbek futboli uchun ham tarixiy lahzaga aylandi. Eldor Shomurodov yana bir bor o‘z salohiyatini namoyish etib, katta o‘yinlarda hal qiluvchi futbolchiga aylana olishini isbotladi.

Rimliklar jamoasi va muxlislari bu kechani uzoq eslab qolishadi! Eldor uchun esa bu bir qadam – uning Yevropa futbolidagi yo‘li endigina qizg‘in bosqichga kirdi! “Zamin” yangiliklarini “Telegram”da kuzatib boring