Timur Kapadze Aziz G‘aniyevni terma jamoaga qaytishi haqidagi savolga javob berdi

O‘zbekiston MTJ bosh murabbiyi Timur Kapadze 90minutuz podkasti mehmoni bo‘ldi. Bosh murabbiyimiz BAAda faoliyat olib borayotgan Aziz G‘aniyev haqidagi savolga javob berdi.

"Azizni biz o‘yladik. U bizning ro‘yxatda bor. G‘aniyev terma jamoaga avval ham chaqirilgandi, shunchaki avvalgi murabbiylarning taktikasiga to‘g‘ri kelmagan bo‘lsa kerak. Uni o‘yinlarini kuzatib bormoqdaman. Birinchidan, u hozirgi 3-5-2 taktikasiga mos tushmasligi mumkin. 4-3-3 taktikasida esa G‘aniyevga ham yana boshqa futbolchilarga ham joy topilishi mumkin.

Bizda vaqt kam bo‘lgani sababli ancha vaqtdan beri u termaga chaqirilmagan G‘aniyevning imkoniyatlaridan bu safar foydalanmaslikka qaror qildik. Agarda o‘rtoqlik uchrashuvi bo‘lganida Azizni aniq yig‘inga taklif qilgan bo‘lardim. Bir necha yil avval vaqtinchalik murabbiy bo‘lganimda ham uni chaqirganman. Uning imkoniyatlarini yaxshi bilaman, u kuchli futbolchi", — dedi Kapadze.

Manba: 90minutuz “Zamin” yangiliklarini “Telegram”da kuzatib boring