O‘zbekiston terma jamoasiga jahon chempionatiga yo‘llanma "berildi"

Tojikistonning "Istiqlol" klubi bosh murabbiyi Igor Cherevchenko O‘zbekiston terma jamoasining 2026 yilgi jahon chempionati final bosqichiga chiqish ehtimoli haqida fikr bildirdi.

O‘zbekiston terma jamoasi JCH-2026ning Osiyo saralash bosqichi A guruhi turnir jadvalida 17 ochko bilan ikkinchi o‘rinni egallab turibdi, BAA terma jamoasidan to‘rt ochko oldinda.

"O‘zbekistonda yaxshi klublarda to‘p suradigan futbolchilar ko‘p. Faqat Xusanovni oling – uni "Manchester Siti" 50 million yevro evaziga sotib oldi. Lekin butun jamoa juda yaxshi, kuchli taassurot qoldirmoqda.

Guruh oson emas – Eron, Qatar, BAA kabi Osiyoning kuchli jamoalari bor. Shunga qaramay, O‘zbekiston terma jamoasi keyingi turdayoq vazifasini hal qilishi va jahon chempionatiga chiqishi mumkin. Ikkita o‘yinda kamida bitta ochko olishadi.

O‘zbekiston postsovet hududidan jahon chempionatida ishtirok etadigan yagona respublikaga aylanishi mumkin. Ularni kuzatib borish qiziq", – deb Cherevchenko so‘zlarini keltiradi "Chempionat".

Jahon chempionati – 2026 musobaqasiga yo‘llanmani kafolatli qo‘lga kiritish uchun O‘zbekiston terma jamoasiga BAA va Qatarga qarshi saralashning so‘nggi ikki o‘yinida kamida bitta g‘alaba zarur. Ushbu o‘yinlar 5 va 10 iyun kunlari bo‘lib o‘tadi.

Futbol