Kosmin Olariu — BAA termasini qutqaradigan mutaxassismi?

Jahon chempionati–2026 saralash bosqichi doirasidagi so‘nggi natijalardan so‘ng BAA terma jamoasida katta o‘zgarishlar boshlandi. KXDRga qarshi uchrashuvdan keyin bosh murabbiy Paulu Bentu iste’foga chiqdi va hozirda jamoa rasman bosh murabbiysiz qolgan.

Biroq turli mahalliy va xalqaro manbalarga ko‘ra, yaqin soatlarda BAA futbol federatsiyasi yangi murabbiyni e’lon qilishi kutilmoqda. Gap ruminiyalik mutaxassis — Kosmin Olariu haqida ketmoqda.

Kosmin Olariu — arab futbolida tajribali figura
55 yoshli Olariu arab futboliga begona emas. U faoliyati davomida quyidagi jamoalarda ishlagan:

• Saudiya Arabistoni terma jamoasi
  
• “Al Hilol”, “Al Ayn”, “Shabab Al Ahli”
  
• Hozirda — BAAning “Sharja” klubi bosh murabbiyi
  

Aniqlanishicha, uning Bosh murabbiy etib tayinlanishi ortidan Sharja klubi bilan shartnomani uzish masalasi ham hal etilmoqda.

BAA termasi holati: bosqichlar va raqiblar
JCH–2026 saralashining "A" guruhida BAA hozircha 8 o‘yindan so‘ng 13 ochko to‘plagan holda 3-o‘rinda bormoqda. Jamoa uchun navbatdagi hal qiluvchi uchrashuvlar:

• 5 iyun — O‘zbekistonga qarshi o‘z maydonida.
  
• So‘nggi tur — Qirg‘iz Respublikasiga safar.
  

Ushbu bahslar jamoaning keyingi bosqichga chiqish yoki chetda qolish taqdirini hal qilishi mumkin. “Zamin”ni Telegramʻda oʻqing!