Gvardiola Husanov va “Manchester Siti” oldiga qanday vazifa qo‘ydi?

“Manchester Siti” bosh murabbiyi Xosep Gvardiola AQSHda start olgan yangi formatdagi klublar o‘rtasidagi Jahon chempionati haqida o‘z fikrlari bilan o‘rtoqlashdi. Ispaniyalik mutaxassisning ta’kidlashicha, bu musobaqa juda jiddiy ahamiyat kasb etadi va dunyo futbolidagi eng kuchli jamoalar uchun haqiqiy sinov maydoniga aylanadi.

Gvardiolaning aytishicha, “shaharliklar” guruh bosqichida Marokashning “Vidad”, BAAning “Al-Ayn” va Italiyaning “Yuventus” jamoalariga qarshi maydonga chiqadi. U mazkur raqiblarni oson deb hisoblamasligini, har bir o‘yinda maksimal kuch bilan harakat qilish lozimligini ta’kidladi.

— Bu o‘ta nufuzli va jiddiy musobaqa. Yoz faslida butun dunyo futbol ishqibozlari ushbu chempionatni katta qiziqish bilan kuzatadi. Turnirda bosh sovrin uchun raqobatlashadigan kuchli klublar juda ko‘p. Biz esa, o‘z oldimizga faqat g‘alaba maqsadini qo‘yganmiz. Sizlarni ishontirib aytaman, “Manchester Siti” bu chempionatda zafar quchish uchun barcha imkoniyatlarini ishga soladi, — deya Gvardiolaning so‘zlarini keltiradi mahalliy OAV.

Aytish joiz, FIFA tomonidan tashkil qilingan ushbu yangi formatdagi Jahon chempionatida “Manchester Siti” safida O‘zbekiston milliy terma jamoasi markaziy himoyachisi Abduqodir Husanov ham ishtirok etadi. Bu yurtdoshimiz va o‘zbekistonlik futbol muxlislari uchun g‘ururli voqea hisoblanadi.

Ko‘rinib turibdiki, “Manchester Siti” yangi musobaqada yuksak maqsadlar sari intiladi va Gvardiola bu turnirda ham o‘ziga xos muvaffaqiyatlar sari yo‘l oladi. Musobaqa futbol olamida katta shov-shuv va qiziqish uyg‘otmoqda. “Zamin”ni Telegramʻda oʻqing!