Garet Beyl Angliyada klub sotib olish arafasida: yangi boshlanishmi?

Futbol olamida yangidan shov-shuvli xabar tarqaldi — "Real" jamoasining sobiq yulduzi Garet Beyl Angliyadagi "Plimut Argayl" klubi aksiyalarini sotib olishi mumkin. The Telegraph nashri tarqatgan ma’lumotga ko‘ra, uelslik futbolchi Amerika investitsiya kompaniyasi bilan hamkorlikda ushbu shartnomaga qo‘shilish arafasida turibdi.

Ma’lumotlarga ko‘ra, Beylning bu klub bilan ilgari hech qanday aloqasi bo‘lmagan. Ammo u potensial ravishda "Plimut"ning yangi mulkdorlari tarkibiga kirishi mumkin va kelgusida boshqaruvchi kompaniyaning "yuzi" sifatida ham faoliyat yuritishi ehtimoli bor.

Futboldan ketgach, professional golf bilan shug‘ullanayotgan Garet Beylning klub boshqaruviga qiziqish bildirishi sportchilarning biznesga yuz tutayotgani bilan izohlanmoqda. Muxlislar orasida bu qadam Beylning futbolga yangicha tarzda qaytishi sifatida baholanmoqda.

"Agar shartnoma amalga oshsa, Plimut nafaqat yangi sarmoyador, balki butun dunyoda tanilgan mashhur sportchiga ham ega bo‘ladi", — deyiladi manbalarda.

Ayni damda muzokaralar davom etmoqda va yaqin kunlarda rasmiy bayonot berilshi kutilmoqda. Garet Beylning bu loyihadagi ishtiroki nafaqat "Plimut", balki butun angliyalik futbol muxlislari uchun ham qiziq tajriba bo‘lishi mumkin. “Zamin”ni Telegramʻda oʻqing!