Mavsum boshlarida “Paxtakor” jamoasining asosiy kuchlaridan biri sifatida ko‘rilgan braziliyalik yarim himoyachi Jonatan Lukkaning jamoadagi faoliyati yakun topishi arafasida. Ma’lumotlarga ko‘ra, yozgi transfer oynasida tajribali futbolchi bilan shartnoma ikki tomonlama kelishuv asosida bekor qilinadi.
Jonatan Lukka bu yil boshida “sherlar” bilan ikki yilga mo‘ljallangan shartnoma imzolagandi. Ammo mavsum davomida bir qator muhim o‘yinlarda ishtirok etganiga qaramay, futbolchi og‘ir jarohat olib, uzoq muddat safdan chiqdi. Hozirda klub rahbariyati va futbolchi o‘rtasida shartnomani rasman bekor qilish yuzasidan muzokaralar olib borilmoqda.
31 yoshli Lukka joriy mavsumda “Paxtakor” safida 13 ta uchrashuvda maydonga tushdi va o‘z tajribasi bilan jamoaga salmoqli hissa qo‘shgandi. Biroq, jarohat oqibatida undan to‘liq foydalanish imkoni bo‘lmadi. Mutasaddilarning aytishicha, o‘zaro kelishuvga ko‘ra futbolchi ertaga jamoani tark etishi mumkin.
Futbol muxlislari va mutaxassislar bu qarorni jamoa uchun yangi bosqich sifatida baholashmoqda. Lukkaning ketishi natijasida “Paxtakor” tarkibida yangi nomlar uchun yo‘l ochiladi va jamoa kelajakda yangi maqsadlarga e’tibor qaratadi.
Mazkur o‘zgarishlar yozgi transfer oynasida “Paxtakor” klubi uchun muhim sinovlardan biriga aylanadi. Jamoa muvaffaqiyati yo‘lida esa tajribali futbolchilarning bor va yo‘qligi har doim katta ahamiyatga ega bo‘lib kelgan. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
