Yevropa futbol bozoridagi eng qiziqarli xabarlardan biri Londonning mashhur "Arsenal" klubiga tegishli. Manbalarga ko‘ra, "Arsenal" shvetsiyalik hujumchi Viktor Gyokereshni o‘z safiga qo‘shib olish masalasida yakuniy bosqichga yaqinlashmoqda, deb xabar berdi insayder Fabritsio Romano.
So‘nggi soatlarda klublar o‘rtasida muzokaralar yanada faollashgan. "Sporting"dagi mashg‘ulotlarga qaytmagan Gyokeresh barcha e’tiborini yangi jamoaga o‘tishga qaratgan va bu holat ko‘pchilikda jiddiy kutilmalarni paydo qildi. Manbalarga ko‘ra, hujumchi London klubiga o‘tishga prinsipial rozilik bergan, shu sababli mashg‘ulotlarda qatnashmaslikni ma’qul ko‘rgan.
Hozircha kelishuv to‘liq rasmiylashmagan bo‘lsa-da, "Arsenal" rahbariyati bitimni yaqin kunlarda e’lon qilishga intilayotgani aytilmoqda. Transfer borasida muzokaralar davom etmoqda, lekin insayderlar yaqin orada kelishuv amalga oshirilishini prognoz qilmoqda.
Avvalroq, 27 yoshli shvetsiyalik futbolchi "Arsenal" bilan 2030 yilgacha mo‘ljallangan uzoq muddatli shartnoma bo‘yicha kelishib olgani haqida turli xabarlar tarqalgan edi. Bu ma’lumot futbol ishqibozlarini yanada qiziqtirib, yangi mavsumda "Arsenal"ning hujumkor salohiyatini kuchaytiradigan transfer sifatida baholanmoqda.
Futbol jamoatchiligi va "Arsenal" muxlislari uchun eng qiziqarli savol — Gyokeresh aynan qachon London jamoasiga rasman qo‘shiladi va u o‘zini Angliya chempionatida qanday namoyish eta oladi? Yangi transfer muxlislar uchun intriga va yuqori kutilmalar tug‘dirmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
