Yevropa futbol bozorida bugungi kunning eng qizg‘in mavzularidan biri — "Milan" himoyachisi Teo Ernandesning kelajagi bilan bog‘liq muzokaralar. Saudiya Arabistonining moliyaviy imkoniyatlari va ambitsiyasi yuqori "Al-Hilol" klubi fransiyalik himoyachi uchun italiyaliklarga 20 million yevro va qo‘shimcha 5 million yevro bonus taklif qildi, deb xabar berdi lagazzetta.it.
Manbalarga ko‘ra, Ernandes va "Al-Hilol" o‘rtasida 3 yillik shartnoma bo‘yicha kelishuvga erishilgan — futbolchi ushbu muddatda jami 60 million yevro maosh olishi kutilmoqda. Bu raqamlar Yevropa bozorida ham katta ajablanish uyg‘otdi.
Biroq, "Milan" rahbariyati Saudiya klubining taklifini hozircha qabul qilgani yo‘q. "Rossonerilar" o‘z sardorini bonuslarsiz, to‘liq 25 million yevro shartlarida sotishga tayyor ekanligini ma’lum qildi. Shu bois, klublar o‘rtasida muzokaralar hozircha yakuniy nuqtaga yetmagan.
Ayni vaqtda, Teo Ernandesga bir necha kunlik qo‘shimcha ta’til berilgan — u dushanba kuni jamoa mashg‘ulotlariga qo‘shilmaydi. Bu holat futbol muhitida turli taxmin va kutilmalarga sabab bo‘lmoqda.
Eslatib o‘tamiz, 27 yoshli himoyachi o‘tgan mavsumda A Seriyada 33 ta o‘yinda ishtirok etib, 4 ta gol va 3 ta assist bilan "Milan"ning muhim figurasiga aylangan edi. Ernandesning transfer borasidagi so‘nggi qarorini butun futbol olami qiziqish bilan kutmoqda — bu bitim Yevropa va Osiyo bozoridagi dinamikani ham o‘zgartirishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
