Yevropa futbolida taniqli murabbiylardan biri hisoblangan Stefano Pioli yana Italiyaga qaytdi. 59 yoshli tajribali mutaxassis “Fiorentina” klubi bilan rasman shartnoma imzoladi. Bu haqda klub rasmiy sayti orqali ma’lum qildi.
Ma’lumotlarga ko‘ra, murabbiy bilan tuzilgan shartnoma 2028 yil yozigacha amal qiladi. Demak, “fialkalar” rahbariyati Pioliga jiddiy ishonch bildirmoqda va jamoaning kelajagini aynan uning qo‘liga topshirgan.
Eslatib o‘tamiz, Stefano Pioli bungacha Saudiya Arabistonining “Al Nasr” jamoasida faoliyat yuritgan edi. U yerda u 2024 yil sentyabridan beri ishlab kelayotgan, ammo klub bilan yo‘llar ajratildi. Sabablari aniq aytilmagan bo‘lsa-da, Piolining Yevropaga qaytishi ko‘pchilik tomonidan ijobiy qadam sifatida baholanmoqda.
Piolining murabbiylik faoliyatidagi eng yorqin davrlardan biri – “Milan” klubi bilan bog‘liq. U yerda u 5 yil faoliyat yuritib, 2022 yilda jamoaga Italiya chempionligini olib kelgan. Bu natija orqali u “rossonerilar” tarixida o‘z nomini muhrlab qo‘ydi.
Endilikda esa uning oldida yangi vazifa – “Fiorentina”ni yuqori pog‘onalar sari yetaklash turibdi. Bu klub oxirgi yillarda o‘zini yevropalik raqiblar oldida ham namoyon etishga intilayapti. Piolining kelishi esa bu maqsadlar yo‘lida muhim qadam bo‘lishi mumkin.
Futbol ishqibozlari esa ushbu murabbiyning yana A Seriyada faoliyat yuritishi va “Fiorentina”da qanday o‘zgarishlar ro‘y berishini katta qiziqish bilan kuzatmoqda. Uning tajribasi, tuzumga bo‘lgan yondashuvi va o‘yin uslubidagi intizomi “fialkalar” uchun yangi davr boshlanishini anglatishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
