Kataloniyaning mashhur klubi “Barselona” yangi transferini rasman e’lon qildi. Jamoa matbuot xizmatining ma’lum qilishicha, Shvetsiya terma jamoasi vingeri Runi Bardji Daniyaning “Kopengagen” klubidan kataloniyaliklar safiga qo‘shildi.
19 yoshli futbolchi bilan tuzilgan mehnat shartnomasi 2029 yilning 30 iyunigacha mo‘ljallangan. E’tiborli jihati — “Blaugrana” ushbu transfer uchun taxminan 2 million yevro to‘lagani haqida avval xabarlar tarqalgan edi.
O‘tgan mavsumda Bardji faqat 6 ta uchrashuvda maydonga tushdi va gol ura olmadi. Buning asosiy sababi — u xochsimon bog‘lamlarining jarohati tufayli mavsumning katta qismini o‘tkazib yuborgan.
Bardji “Kopengagen” tarkibida 84 marta maydonga tushib, 15 ta gol kiritgan va bir bor golli uzatma amalga oshirgan.
Kataloniya klubi yosh va istiqbolli futbolchilarni jamoaga jalb etishda davom etmoqda. Runi Bardji ham kelajakda asosiy tarkibdan munosib o‘rin egallashi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
