Jahon futbol olami yana bir bor yosh iqtidorlar sinovi arafasida, deb yozadi francefootball.fr. Mashhur "France Football" jurnali Kopa-2025 individual mukofoti uchun asosiy da’vogarlar ro‘yxatini taqdim etdi. Bu yil ham 21 yoshgacha bo‘lgan eng yaxshi futbolchi nomi uchun jiddiy raqobat bo‘lishi kutilmoqda.
Tanlov doirasida mavsum davomida klub va milliy jamoalar safida o‘zini ko‘rsatgan, maydonda ajoyib o‘yin namoyish etgan futbolchilar saralab olindi. Bu yigitlar o‘z iqtidor, mehnati va mahorati bilan millionlab muxlislar e’tiborini tortmoqda.
Shu yilgi asosiy nomzodlar quyidagi yosh yulduzlardan iborat:
-
Ayub Buaddi ("Lill")
-
Lamin Yamal ("Barselona")
-
Pau Kubarsi ("Barselona")
-
Dezire Due ("Pari Sen-Jermen")
-
Estevao Villian ("Chelsi")
-
Din Xoysen ("Real")
-
Mailz Lyuvis-Skelli ("Arsenal")
-
Rodrigo Mora ("Portu")
-
Joau Nevesh ("Pari Sen-Jermen")
-
Kenan Yildiz ("Yuventus")
E’tiborlisi, o‘tgan mavsum bu mukofot "Barselona" sharafini himoya qilayotgan Lamin Yamalga nasib etgan edi. Uning yil davomidagi porlagan o‘yini millionlar qalbini zabt etdi va yana bir bor futbol olamiga yangi qirra olib kirdi.
Ta’qdirlash marosimi 22 sentyabr kuni Parijdagi mashhur Shatle teatri sahnasida bo‘lib o‘tishi rejalashtirilgan. Muxlislar esa bu galgi g‘olib kim bo‘lishini qiziqish bilan kutmoqda, chunki har bir nomzod o‘z jamoasida yorqin o‘yinlari bilan tanilib ulgurgan.
Yosh iqtidorlar uchun bu mukofot — faqat shaxsiy e’tirof emas, balki ularni katta futbolda ilhomlantiradigan muhim qadam bo‘lib qoladi. Demak, oldinda yana qizg‘in bahs va intriga to‘la kunlar kutib turibdi.
Zaminda eng yosh yulduzlar kelajagi uchun kurash – muxlislar uchun eng asosiy intriga!
“Zamin”ni Telegramʻda oʻqing!
