Krishtianu Ronaldu sevgilisi Jorjina Rodriges bilan nikohlanish arafasida unga qimmatbaho sovg‘alar ulashdi, deb Sportmail.ru xabar berdi. Jorjina yaqinda o‘z barmog‘idagi uzukni namoyon qilib, rasmiy ravishda turmushga chiqishini ma’lum qilgan edi.
Manbalarga ko‘ra, Ronaldu Jorjina uchun jami 310 ming yevrodan ziyod mablag‘ sarflagan. Sovg‘alar ichida 91 ming yevro turuvchi Porsche Taycan elektromobili, Audemars Piguet va Patek Philippe soatlari, Dior va Louis Vuitton sumkalari hamda 21,7 ming yevrolik turli kiyim-kechaklar bor.
Yaqin kishilarning ta’kidlashicha, Ronaldu barchasini maxsus tayyorlagan. U Jorjina avtomobillarni, ayniqsa elektr modellari yoqishini biladi. Shuningdek, soatlar, brend sumkalar va kiyimlar uning yurakdan yaxshi ko‘radigan sovgalari ekan. Juftlik 2026 yil Jahon chempionatidan so‘ng katta to‘y o‘tkazishni rejalashtirmoqda.
“Zamin”ni Telegramʻda oʻqing!
