Sofiya shahri (Bolgariya)da o‘tkazilgan o‘smirlar o‘rtasidagi dzyudo bo‘yicha jahon chempionati o‘z yakuniga yetdi. Bugungi kun dasturida aralash jamoaviy bellashuvlar bo‘lib o‘tdi va eng kuchli termalar aniqlandi.
Saralash bosqichida o‘zbekistonlik yosh dzyudochilar Fransiya, Qozog‘iston hamda Mo‘g‘uliston jamoalarini mag‘lubiyatga uchratib, finalga qadar yetdi. Hal qiluvchi bahsda ular dzyudo vatani sanalgan Yaponiyaga qarshi to‘qnash kelishdi.
Kuchli va murosasiz o‘yinda yapon dzyudochilari 4:2 hisobida ustunlikka erishdi. Natijada, milliy termamiz nufuzli musobaqani munosib tarzda kumush medal bilan yakunladi. Bu natija ham o‘zbekistonlik yosh sportchilarning ortiqcha g‘ayrati va kuchli tayyorgarligidan dalolatdir.
Eslatib o‘tamiz, yakka tartibdagi bahslarda ham termamiz katta yutuqqa erishgandi. Yosh dzyudochilarimiz 5 ta oltin va 2 ta bronza medali bilan umumiy hisobda birinchi o‘rinni qo‘lga kiritgan edi.
Shu tariqa, O‘zbekiston o‘smirlari Bolgariyadagi jahon chempionatida tarixiy natijalar qayd etib, yana bir bor dzyudo yo‘nalishida o‘z so‘zini aytdi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
