Argentinaga oid afsona Lionel Messi AQSHda ikki yildan beri yashasa-da, endi "Barselona" o‘yinlarini kuzatmaydi va hozirgi futbolchilar bilan aloqada emas, deb yozadi El Nacional.
Hozirgi tarkibda u faqat Ronald Arauxo, Pedri, Frenki de Yong va Mark-Andre ter Shtegenni taniydi, ammo ular bilan yaqin munosabat o‘rnata olmagan. Ter Shtegen bilan esa mashg‘ulotdagi mojaro sababli yo‘llari butunlay ajralgan.
Prezident Joan Laporta Messini yangi “Kamp Nou” ochilishiga taklif qilmoqchi edi, ammo stadion qurilishidagi kechikish bu rejani ortga surdi. Sakkiz karra “Oltin to‘p” sohibining tez orada faoliyatni yakunlashi haqidagi mish-mishlar esa bu g‘oya umuman amalga oshmasligini anglatishi mumkin.
Messi va Laporta o‘rtasidagi munosabat klub moliyaviy qiyinchiliklar sabab shartnomani uzaytirish imkoni yo‘qolgach yomonlashgan. U kutilmaganda “PSJ”ga ketgan, keyin esa “Inter Mayami”ga yo‘l olgan.
Shundan so‘ng argentinalik yulduz "Barselona" taklif qilgan ikki tadbirga ham bormagan — 2024 yil noyabrdagi 125 yillik gala kechasiga va 2025 yil yil bahorida ehtimoliy Chempionlar ligasi finaliga ham.
“Zamin”ni Telegramʻda oʻqing!
