Germaniya Bundesligasining 5-turi doirasida tom ma’nodagi gollar yomg‘iri kuzatildi. Myunxengladbaxning «Borussiya M» klubi o‘z maydonida «Ayntraxt»ni qabul qildi va o‘yin jamoatchilikni hayratda qoldirdi. Uchrashuv 10 ta golga boy bo‘lib, 4:6 hisobida mehmonlar g‘alabasi bilan yakunlandi.
Bellashuvning ilk qismida Frankfurt jamoasi haqiqiy hujumkor o‘yin namoyish etdi. Mehmonlar ketma-ket zarbalar bilan raqibni chalg‘itib, qisqa vaqt ichida hisobni 6:0 ko‘rinishiga olib keldi. Kox ikki marta to‘p kiritdi (11 va 47-daqiqalar), Knauff (15), Burkardt (35), Chaibi (39) hamda Uzun (45+1) o‘z nomlarini tabloga yozdirdi.
Biroq «Borussiya M» ham taslim bo‘lmadi. Ikkinchi bo‘lim o‘rtasidan so‘ng mezbonlar o‘z muxlislari oldida obro‘ni saqlab qolish uchun hujumga tashlanishdi. Kastrop 72-daqiqada hisobni ochdi, Tabakovich 78-daqiqada ikkinchi golni urdi. Keyin Engelxardt (83) va Ranos (90+9) yana ikki to‘p kiritib, hisobi 4:6 ko‘rinishiga keltirishdi. Ammo vaqt mezbonlarning to‘liq qaytishiga imkon bermadi.
Bundesliga. 5-tur
«Borussiya M» — «Ayntraxt» 4:6
Gollar: Kastrop (72), Tabakovich (78), Engelxardt (83), Ranos (90+9) — Kox (11, 47), Knauff (15), Burkardt (35), Chaibi (39), Uzun (45+1).
Shu tariqa, «Ayntraxt» ushbu yirik g‘alabadan so‘ng ochkolarini 9 taga yetkazib, turnir jadvalida 4-pog‘onaga ko‘tarildi. «Borussiya M» esa 2 ochko bilan chempionatdagi eng pastki o‘rinda qolib ketdi.
Myunxengladbax muxlislari uchun ushbu kecha og‘ir kechdi, biroq uchrashuv Bundesliga tarixidagi eng tomoshabop va dramatik o‘yinlardan biri sifatida yodda qolishi aniq.
“Zamin”ni Telegramʻda oʻqing!
