2026 yil AQSH mezbonlik qiladigan futbol bo‘yicha Jahon chempionati final bahsi uchun chiptalar narxi oshkor etildi. Katta final Nyu-Djersidagi mashhur MetLife stadionida o‘tkaziladi.
FIFA ma’lumotiga ko‘ra, chiptalar quyidagi toifalarda sotuvga chiqariladi:
1-toifa — $6 730;
2-toifa — $4 210;
3-toifa — $2 790;
4-toifa — $2 030.
Aytilishicha, narxlar talab va sharoitga qarab o‘zgarishi mumkin. Bu “Narx o‘zgarishi” siyosati asosida amalga oshiriladi.
Shuningdek, FIFA muxlislar uchun rasmiy qayta sotish maydonini ishga tushiradi. U yerda futbol ishqibozlari chiptalarni bir-birlariga erkin narxda taklif qilishlari mumkin bo‘ladi — narx qiymatini cheklash belgilanmagan.
Demak, 2026 yildagi finalni stadionda tomosha qilishni istagan muxlislar oldindan tayyorgarlik ko‘rishlari zarur bo‘ladi.
“Zamin”ni Telegramʻda oʻqing!
