Fransiyalik yulduz Kilian Mbappe Madridning «Real» jamoasida sentyabr oyining eng yaxshi futbolchisi sifatida e’tirof etildi. Bu haqda klubning rasmiy sayti ma’lum qildi.
«Yana oy futbolchisi deb tan olinish — bu ajoyib his. Biz ko‘p o‘yinlarda zafar quchdik, ko‘p gol urdik. Jamoamizning o‘yini va natijalari bilan mamnunman. Shu ruhda harakatni davom ettiramiz, degan umiddaman», — dedi Mbappe klub sayti orqali.
Qayd etish kerakki, 26 yoshli hujumchi bu mukofotni «Real» safida ikkinchi oy ketma-ket qo‘lga kiritmoqda. Undan avval u Chempionlar ligasining 2-turida haftaning eng yaxshi o‘yinchisi hamda La Liganing sentyabr oyi futbolchisi deb topilgan edi.
Joriy mavsumda Mbappe barcha musobaqalarda 12 ta o‘yinda maydonga tushib, 15 ta gol muallifiga aylandi va 2 ta golli uzatma amalga oshirdi.
“Zamin”ni Telegramʻda oʻqing!
