Fransiya Liga 1 doirasidagi muhim oʻyinlardan biri "Lans" va "Marsel" oʻrtasida boʻlib oʻtdi. Soʻnggi uchrashuvlarda gʻalaba seriyasini davom ettirgan "Marsel" bu safar "Lans" mehmoni boʻldi.
Oʻyin 17-daqiqada boshlangan hisob bilan qiziqarli tus oldi: Meyson Grinvud jarima maydonchasidan tashqarida kuchli zarba yoʻllab, mehmonlarni oldinga olib chiqdi. Ammo uzoq oʻtmay, 23-daqiqada Benjamin Pavar Odson Edouarga nisbatan qoʻpollik qildi va hakam penalti belgiladi.
Edouar 11 metrlik jarima zarbasini aniq amalga oshirib, hisobni tenglashtirdi. Ikkinchi boʻlimda, 53-daqiqada, yana Pavar noxush qahramonga aylandi.
U burchak zarbasidan soʻng toʻpni oʻz darvozasiga yoʻnaltirib qoʻydi. Bu gol "Lans"ni oldinga olib chiqdi.
Oʻyinning soʻnggi daqiqalarida Mamadu Sangare hisobni oshirish imkoniyatiga ega boʻldi, ammo "Marsel" darvozaboni ajoyib tarzda toʻpni qaytarishga muvaffaq boʻldi. Mazkur gʻalaba "Lans" jamoasiga 19 ochko bilan Liga 1 turnir jadvalida ikkinchi oʻringa koʻtarilish imkonini berdi.
"Marsel" esa hozircha bir ochko kam bilan ularning ortidan bormoqda. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
