Germaniya chempionatining 8-turida "RB Leyptsig" safarda "Augsburg"ni 6:0 hisobida magʻlub etdi. Uchrashuv "VVK Arena" stadionida boʻlib oʻtdi va mehmonlar toʻliq ustunlik qildi.
Birinchi boʻlimning oʻrtalarida "Leyptsig" atigi 12 daqiqa ichida uchta kombinatsiyani muvaffaqiyatli yakunladi. Gollarni Yan Diomand, Romulo Kruz va Antonio Nusa urdi.
38-daqiqada esa Kristof Baumgartner hisobni 4:0 koʻrinishiga keltirdi. Ikkinchi boʻlimda "RB Leyptsig" hujumlarini davom ettirib, yana ikkita gol urdi.
56-daqiqada Assan Uedraogo oʻzini koʻrsatdi, 65-daqiqada esa burchak toʻpidan keyin raqib darvozaboni Finn Damenning xatosidan soʻng Kastello Lyukeba oltinchi golni kiritdi. Ushbu gʻalaba evaziga "RB Leyptsig" ochkolarini 19 taga yetkazib, musobaqa jadvalida ikkinchi oʻrinni mustahkamladi.
"Augsburg" esa toʻrtinchi oʻrindan pastda joylashgan. Oʻyin protokoli: "Augsburg" 0:6 "RB Leyptsig" Gollar: 10' Diomand (0:1), 18' Kruz (0:2), 22' Nusa (0:3), 38' Baumgartner (0:4), 56' Uedraogo (0:5), 65' Lyukeba (0:6).
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
