Safonov: "PSJning magʻlubiyati tomoshabop boʻldi"

PSJ darvozaboni Matvey Safonov Chempionlar Ligasi doirasida "Bavariya"ga qarshi oʻyindagi magʻlubiyat haqida oʻz Telegram-kanalida fikr bildirdi. Parijliklar oʻz maydonida 1:2 hisobida imkoniyatni boy berdi.

"Bu oʻyin haqiqatan ham tomoshabop boʻldi: hujumkor va agressiv futbolning yuqori darajasi namoyish etildi. Mening fikrimcha, qizil kartochka oʻyinning borishini oʻzgartirdi.

Bizga biroz yengil boʻldi, biroq raqib oʻyinni boʻlaklarga boʻlish va vaqtni choʻzish taktikasiga oʻtdi. Ularni tushunsa boʻladi: ular kamchilikda oʻynashdi va birinchi boʻlimni 2:0 hisobida yakunlashgandi.

Menimcha, juda yaxshi futbol boʻldi. Umid qilamanki, tomoshabinlarga yoqdi.

Bizga natija manzur boʻlmadi, lekin ishlashda davom etamiz va oʻzimizni yaxshilashga harakat qilamiz", - dedi Safonov oʻz videomurojaatida. Eslatib oʻtamiz, "PSJ" Chempionlar Ligasining toʻrt turida toʻqqiz ochko toʻplashga muvaffaq boʻlgan.

Shuningdek, Matvey Safonov 2025/2026 mavsumida hozircha birorta ham oʻyin oʻtkazmagan. “Zamin”ni Telegramʻda oʻqing!