Chelsi futbolchisi Romeo Laviya Chempionlar ligasi doirasidagi Qarabogʻga qarshi oʻyinning boshida maydonni tark etishga majbur boʻldi. Bosh murabbiy Enso Mareska belgiyalik futbolchini 8-daqiqada almashtirdi va uning oʻrniga Moysis Kaysedo maydonga tushirildi.
"Laviyaning jarohati juda afsusli. U uzoq vaqt davomida yaxshi sport formasini ushlab tura olmayapti.
Hozircha aniq xulosa qilishga erta, lekin umid qilamanki, bu jarohat jiddiy emas. U toʻrt boshli mushakni jarohatlagan", – dedi Mareska Football.London nashriga bergan intervyusida.
Qarabogʻ va Chelsi oʻrtasidagi uchrashuv 2:2 hisobida durang bilan yakunlandi. Shuningdek, London klubi shanba kuni Premer-liga doirasida oʻz maydonida Vulverxempton jamoasiga qarshi oʻyin oʻtkazadi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
