“Manchester Siti”ning yulduz hujumchisi Erling Haaland unga nisbatan qilinayotgan Krishtianu Ronaldu va Lionel Messi bilan taqqoslashlarga munosabat bildirdi. Uning fikricha, bu ikki afsonaga yaqinlashishning o‘zi amrimahol.
— Meni Ronaldu va Messi bilan taqqoslashlari haqida nima deb o‘ylayman? Hech kim bu ikkisiga yaqinlasha olmaydi. Men shunchaki Erlingman — gol uradigan norvegiyalik yigit. Bu o‘zgarmaydi, — dedi Haaland.
Futbolchi so‘nggi yillarda jahon futbolida eng samarali hujumchilardan biriga aylandi. Uning “Manchester Siti” safidagi o‘yinlari, ayniqsa, Yevropa Chempionlar Ligasi natijalari orqali ko‘plab mutaxassislar tomonidan Ronaldu va Messi bilan solishtirib kelinmoqda.
Shu bilan birga, Haaland o‘zini ular bilan raqobatda emas, balki shaxsiy yo‘lini davom ettirayotgan futbolchi sifatida ko‘radi. Uning so‘zlariga ko‘ra, asosiy maqsad — jamoasi bilan g‘alaba qozonish va har bir o‘yinda maydonda qo‘lidan kelganicha faol o‘ynashdir.
“Zamin”ni Telegramʻda oʻqing!
